கோவை சிங்காநல்லூர் பகுதியைச் சேர்ந்த கல்லூரி மாணவி கடந்த சில வாரங்களுக்கு முன்பு விஷம் குடித்து தற்கொலை செய்தார். இதுகுறித்து சிங்காநல்லூர் போலீஸ் நடத்திய விசாரணையில், அந்த மாணவியும் அவிநாசி சாலையில் உள்ள தனியார் கல்லூரியில் மூன்றாம் ஆண்டு படித்து வந்த கேசவ்குமார் என்ற மாணவரும் காதலித்தது தெரிய வந்தது.
Also Read: பணம் கேட்டு மிரட்டியதால் மாணவி தற்கொலை; மிரட்டிய நபருக்கு வலைவீசும் கோவை போலீஸ்!
ஒருகட்டத்தில், கேசவ்குமார் அந்த மாணவியை மிரட்டி பணம் பறித்து வந்துள்ளார். ‘பணம் தராவிடின் அவரது படங்களை மார்ஃபிங் செய்து சமூகவலைதளங்களில் பரப்பிவிடுவேன்’ என்றும் கூறியுள்ளார்.
இதனால் மனமுடைந்த அந்த மாணவி தற்கொலை செய்து உயிரிழந்துவிட்டார். இதையடுத்து தலைமறைவாகியிருந்த கேசவ்குமாரை மானாமதுரையில் உள்ள அவர்களது வீட்டில் வைத்து கைது செய்துள்ளனர். பணம் பறிக்கும் நடவடிக்கைகளுக்கு கேசவ், தாய் மங்கையர்கரசியும் உடைந்தையாக இருந்துள்ளார். இதன் காரணமாக கேசவ்குமாருடன், மங்கையர்கரசியும் கைது செய்யப்பட்டு சிறையில் அடைக்கப்பட்டுள்ளார்.
இந்நிலையில், கேசவ்குமாரின் செல்போனை சோதனை செய்து பார்த்தபோது போலீஸாருக்கு அதிர்ச்சி காத்திருந்தது. அதில் கேசவ்குமார் பெரிய தாதா போல கத்தி, அரிவாள்களுடன் வலம் வரும் வீடியோக்களும், மாணவர்களை அடிக்கும் வீடியோக்களும் இருந்துள்ளன.
சேகவ்குமார் கல்லூரி அருகே நண்பர்களுடன் வாடகைக்கு அறை எடுத்துத் தங்கியுள்ளார். காதலித்த மாணவியை மட்டுமல்லாமல், தனது ஜூனியர் மாணவர்களை அடித்து மிரட்டி பணம் பறிப்பது, தனது நண்பர்கள் மூலம் தகவல் கிடைக்கும் கல்லூரி மாணவிகளை மிரட்டி பணம் பறிப்பதை வாடிக்கையாகவே வைத்துள்ளார். இதில் கேசவ்குமாரின் நண்பர்கள் சிலருக்கும் தொடர்பு இருக்கலாம் என்று தகவல் வெளியாகியுள்ளது.
கேசவ்குமாரின் இந்த மோசமான நடவடிக்கைகளால் அவர் கல்லூரியில் இருந்து நீக்கப்பட்டுவிட்டதாகவும், ஆனாலும் தொடர்ந்து அந்த அறையில் தங்கியிருந்து இதுபோன்ற செயல்களில் ஈடுபட்டது தெரியவந்துள்ளது.
இவர்களை தீவிரமாக விசாரித்தால் மேலும் பல அதிர்ச்சி சம்பவங்கள் வெளியாக வாய்ப்புள்ளது.
எனவே, சிங்காநல்லூர் போலீஸார் இதுகுறித்து தீவிர விசாரணை நடத்தி வருகின்றனர்.
source https://www.vikatan.com/news/crime/coimbatore-college-student-suicide-issue-boy-and-his-mother-arrested
கருத்துகள் இல்லை:
கருத்துரையிடுக