தமிழ்நாடு முழுவதும் கொரோனா வைரஸ் இரண்டாம் அலை பாதிப்பு படிப்படியாக குறைந்து வருகிறது. ஆனால், கோவை மாவட்டத்தில் கொரோனா தாக்கம் இப்போதும் பல்வேறு பாதிப்புகளை ஏற்படுத்தி வருகிறது. கோவையை தவிர மற்ற மாவட்டங்களில் பாதிப்பு 500-க்கு கீழ்தான் உள்ளது.
Also Read: திருப்பூர்: பிரசவத்துக்குச் சென்ற பெண்ணுக்கு கொரோனா! - அச்சத்தில் பழங்குடி கிராமம்
கோவை மாவட்டத்தில் மட்டும் பாதிப்பு 500-க்கு அதிகமாக உள்ளது. நேற்று கூட புதிதாக 514 பேருக்கு கொரோனா வைரஸ் உறுதி செய்யப்பட்டுள்ளது. 12 பேர் உயிரிழந்துள்ளனர்.
முக்கியமாக, கோவை அரசு மருத்துவமனையில் சிகிச்சை பெற்றுவந்த 5 மாதக் குழந்தை உயிரிழந்த சம்பவம் சோகத்தை ஏற்படுத்தியுள்ளது. செல்வபுரம் பகுதியைச் சேர்ந்த அந்த குழந்தைக்கு காய்ச்சல் மற்றும் மூச்சு விடுவதில் சிரமம் இருந்துள்ளது.
இதற்காக மசானிக் மருத்துவமனையில் வெளிநோயாளியாக சிகிச்சை பெற்று வந்த அந்த குழந்தை, கடந்த 23-ம் தேதி கோவை அரசு மருத்துவமனையில் அனுமதிக்கப்பட்டுள்ளது. 24-ம் தேதி குழந்தைக்கு கொரோனா உறுதி செய்யப்பட்டது.
வென்டிலேட்டர் உதவியுடன் குழந்தைக்கு தீவிர சிகிச்சை அளிக்கப்பட்டு வந்தது. ஆனால், குழந்தையின் நிலை தொடர்ந்து மோசமாகவே இருந்துள்ளது. இதையடுத்து 27-ம் தேதி இரவு 10.30 மணியளவில் மாரடைப்பு ஏற்பட்டு அந்த குழந்தை உயிரிழந்தது என்று கோவை அரசு மருத்துவமனை நிர்வாகத்தினர் கூறியுள்ளனர்.
இந்தக் குழந்தைக்கு வேறு இணை நோய்கள் ஏதுமில்லை என்பது குறிப்பிடத்தக்கது.
source https://www.vikatan.com/news/tamilnadu/5-months-old-baby-died-for-covid-in-coimbatore
கருத்துகள் இல்லை:
கருத்துரையிடுக