ஜீ தமிழ் சேனலில் ஒளிபரப்பாகி வரும் ‘பூவே பூச்சூடவா’ தொடரில் நடித்து வரும் ரேஷ்மா - மதன் இருவரும் தாங்கள் திருமணம் செய்துகொள்ளப்போவதாக அறிவித்துள்ளனர்.
2021-ம் வருடம் பிறந்த அந்த நள்ளிரவு நிமிடத்தில் இந்த மகிழ்ச்சிகரமான செய்தியை அறிவித்து சீரியல் ரசிகர்களுக்கு சர்ப்ரைஸ் கொடுத்திருக்கும் மதனிடம் வாழ்த்துகள் சொல்லி பேசினேன்.
‘’பொதுவா எல்லாரும் புத்தாண்டு தீர்மானம் எடுத்துப்பாங்க. ‘எல்லாரும் சந்தோஷமா இருக்கணும்’கிறதுதான் ஒவ்வொருத்தருடைய வேண்டுகோளா இருக்கும். அதேபோலத்தான் நானும் மகிழ்ச்சியான ஒரு செய்தியைச் சொல்லி என்னுடைய ரசிகர்கள் ப்ளஸ் ரேஷ்மாவுடைய ரசிகர்களுக்கு ஸ்வீட் சர்ப்ரைஸ் தரலாம்னு நினைச்சேன். அதனாலதான் கொஞ்சம் வெயிட் பண்ணாலும் பரவால்லனு காத்திருந்து சரியா புத்தாண்டு பிறந்த அந்த நிமிடத்துல எங்க கல்யாணச் செய்தியை அறிவிச்சிருக்கோம்’’ என்கிறார் மதன்.
மதன்-ரேஷ்மா ஜோடியின் இந்தக் காதல் திருமணத்துக்கு இரண்டு பேரின் வீட்டிலும் பெரியவர்கள் சம்மதமும் கிடைத்து விட்டது. வரும் மே மாதத்தில் திருமணம் நடைபெற உள்ளது.
வாழ்த்துகள் மதன் - ரேஷ்மா!
source https://cinema.vikatan.com/television/poove-poochuduva-serial-fame-madhan-reshma-to-get-married
கருத்துகள் இல்லை:
கருத்துரையிடுக