தமிழகத்துக்கு 5 நாள்களுக்கு `ஆரஞ்ச் அலர்ட்’
தமிழ்நாட்டில் வடகிழக்கு பருவமழை தீவிரமடைந்திருக்கிறது. இன்று தொடங்கி, அடுத்த சில நாள்களுக்கு தமிழ்நாட்டில் கனமழை முதல் மிக கனமழை வரை இருக்கும் என எச்சரிக்கை விடுக்கப்பட்டுள்ளது. இந்த நிலையில், இன்று காலை முதல் சென்னை, மற்றும் அதன் சுற்றுவட்டார பகுதிகளில் விட்டு விட்டு மழை பெய்து வருகிறது. புதுச்சேரியில் விடிய விடிய மழை பெய்து வருகிறது.
புதுக்கோட்டை, திருவாரூர், தஞ்சை, கடலூர் உட்பட 18 மாவட்டங்களில் இன்று கனமழைக்கான வாய்ப்பு உள்ளதாக வானிலை ஆய்வு மையம் அறிவித்திருக்கிறது. இதனிடையே, கனமழை காரணமாக புதுக்கோட்டை, திருவாரூர், மயிலாடுதுறை, ராமநாதபுரம் ஆகிய மாவட்டங்களுக்கு பள்ளிகளுக்கு விடுமுறை அறிவிக்கப்பட்டுள்ளது.
இதனிடையே இந்திய வானிலை ஆய்வு மையம், 12 மணிநேரத்தில் காற்றழுத்த தாழ்வுப் பகுதி உருவாகும் எனவும், தமிழ்நாட்டில் இன்று முதல் 5 நாள்களுக்கு கனமழைக்கான `ஆரஞ்ச் அலர்ட்’ வழங்கப்பட்டுள்ளது எனவும் தெரிவிக்கப்பட்டிருக்கிறது.
source https://www.vikatan.com/news/general-news/tamil-news-today-25-11-2021-just-in-live-updates
கருத்துகள் இல்லை:
கருத்துரையிடுக