Tamil News Update

திங்கள், 1 மார்ச், 2021

ஜெயலலிதா.. கருணாநிதி.. விஜயகாந்த்.. சீமான்..! - ரீவைண்ட் க்ளிக்ஸ் 2016

source https://www.vikatan.com/news/politics/2016-tamilnadu-assembly-election-rewind-photo-collection

கரடியை வீழ்த்திய காளை... ஏற்றத்துடன் தொடங்கிய இந்திய பங்குச் சந்தைகள் - என்ன காரணம்? #Sensex

''பங்குச் சந்தை இறக்கம். 5.37 லட்சம் கோடி ரூபாய் இழப்பு...'' என்றெல்லாம் செய்தி வெளியாகி பரபரப்பை ஏற்படுத்தியிருக்க, இன்று திங்கள்கிழமை அன்று பங்குச் சந்தைகள் மீண்டும் உயர்ந்துள்ளது குறிப்பிடத்தக்கது.

ஓராண்டுக்கு முன்பு, கொரோனா நோய்த் தொற்றுக் காரணமாக, இந்திய பங்குச் சந்தைகளான சென்செக்ஸ் மற்றும் நிஃப்டி ஆகிய இரண்டுமே பெரும் சரிவைச் சந்தித்தன. அந்த இறக்கத்தில் இருந்து வேகமான ஏற்றத்தைக் கண்டுவந்த இவ்விரு சந்தைகளுமே, கடந்த பிப்ரவரி 1-ம் தேதி மத்திய பட்ஜெட் தாக்கல் செய்த பிறகு, இன்னும் அதிவேகமாக உயர்ந்தன. சென்செக்ஸ் 50000 புள்ளிகளைத் தாண்டி சென்றுகொண்டிருந்ததால் முதலீட்டாளர்கள் பெரும் மகிழ்ச்சி அடைந்தனர்.

இந்த நிலையில், கணிசமான லாபம் கிடைத்ததை அடுத்து அந்த லாபத்தை புக் செய்யும் விதமாகப் பல முதலீட்டாளர்கள் பங்குகளை விற்பனை செய்துவந்தார்கள். இதனால் கடந்த வெள்ளிக்கிழமை (பிப்.26) பங்குச் சந்தை சமீபத்தில் இல்லாத அளவுக்கு மோசமான சரிவைச் சந்தித்தது. அதாவது, மும்பை பங்குச் சந்தைக் குறியீடான சென்செக்ஸ் 1,939 புள்ளிகள் சரிந்து 51,039.31 புள்ளிகளில் முடிந்தது. இதனால் ஒரே நாளில் முதலீட்டாளர்களுக்கு 5.37 லட்சம் கோடி ரூபாய்க்கு மேல் இழப்பு ஏற்பட்டது.

ஆனால், வர்த்தக தொடக்க நாளான இன்று (மார்ச் 1) சென்செக்ஸும் நிஃப்டியும் ஏற்றத்துடன் வர்த்தகமாகத் தொடங்கின. சென்செக்ஸ் 700 புள்ளிகள் ஏற்றத்துடனும், நிப்ஃடி 200 புள்ளிகள் ஏற்றத்துடனும் ஆரம்பித்ததால், முதலீட்டாளர்கள் மகிழ்ச்சி மழையில் நனைந்துகொண்டிருக்கிறார்கள்.

கடந்த அக்டோபர் முதல் டிசம்பர் வரையிலான காலகட்டத்தில், மொத்த உள்நாட்டு உற்பத்தி (ஜி.டி.பி) விகிதம் 0.40% என்கிற அளவில் அதிகரித்திருப்பதாக தேசிய புள்ளியியல் அலுவலகம் ('National Statistics Office') தெரிவித்துள்ளது. கொரோனா நோய்த் தொற்று காரணமாக இந்த நிதி ஆண்டில் முதல் காலாண்டில் மைனஸ் 24% என்கிற அளவில் இறக்கம் கண்டிருந்த சந்தை, இரண்டாம் காலாண்டில் மைனஸ் 7% என்கிற அளவில் இருந்தது. ஆனால், மூன்றாம் காலாண்டில் நெகட்டிவ் வளர்ச்சியிலிருந்து பாசிட்டிவ் வளர்ச்சிக்கு அதாவது 0.40% என்கிற அளவுக்கு வளர்ச்சி கண்டிருப்பது முதலீட்டாளர்கள் மத்தியில் நம்பிக்கையை ஏற்படுத்தியிருப்பதால், பங்குச் சந்தைகள் மீண்டும் ஏற்றம் அடையத் தொடங்கி இருக்கின்றன.

இன்று காலை 12.30 மணி அளவில், சென்செக்ஸ் 377 புள்ளிகள் அதிகரித்து, 49,478 புள்ளிகளில் வர்த்தகமானது. அதே போல, நிஃப்டியும் 122 புள்ளிகள் அதிகரித்து 14,649 என்கிற நிலையில் வர்த்தகமானது. ஓ.என்.ஜி.சி, மஹிந்திரா அண்டு மஹிந்திரா மற்றும் டைட்டன் நிறுவனத்தின் பங்குகள் 5 சதவிகிதத்துக்கு மேல் அதிகரித்து வர்த்தகமாகி வருகின்றன.

source https://www.vikatan.com/business/finance/sensex-and-nifty-started-rebound-today-in-the-share-market

தே.மு.தி.க கேட்பதைக் கொடுக்கத் தயங்கும் அ.தி.மு.க..! - இழுபறியின் பின்னணி என்ன?

தமிழகத்தில் தேர்தல் தேதி அறிவிக்கப்பட்டு அ.தி.மு.க., தி.மு.க ஆகிய கட்சிகள் தங்கள் கூட்டணி கட்சிகளுடன் தொகுதிப் பங்கீடு குறித்து பேச்சுவார்த்தையில் தீவிரமாக ஈடுபட்டு வருகின்றன. அ.தி.மு.க கூட்டணியில் பா.ம.க-வுக்கு 23 தொகுதிகள் ஒதுக்கப்பட்டுள்ளன. அதேபோல பா.ஜ.க உடனான தொகுதிப் பங்கீடு குறித்த பேச்சுவார்த்தையும் சுமூகமாக முடிவுக்கு வந்துள்ளது எனக் கூறப்படுகிறது. ஆனால், தே.மு.தி.க-வுடன் கூட்டணி பேச்சுவார்த்தை தான் தொடர்ந்து இழுபறியில் உள்ளது.

தே.மு.தி.க உடன் கூட்டணி குறித்து பேச்சுவார்த்தை நடத்த அமைச்சர்கள் தங்கமணி, வேலுமணி, அ.தி.மு.க துணை ஒருங்கிணைப்பாளர் கே.பி.முனுசாமி ஆகியோர் விஜயகாந்த் மற்றும் தே.மு.தி.க இளைஞரணி செயலாளர் சுதீஷை கடந்த வாரம் சந்தித்துப் பேச்சுவார்த்தை நடத்தியுள்ளனர். அப்போதும் எந்த முடிவும் எட்டப்படவில்லை என்று கூறப்படுகிறது.

Also Read: கூட்டணியிலிருந்து விலகிய கட்சிகள்; பா.ம.க கூட்டணி அறிவிப்பு! - தேர்தல் அறிவிப்பும் அதிரடிகளும்

இந்த நிலையில் அமைச்சர் தங்கமணி இல்லத்தில் தே.மு.தி.க நிர்வாகிகள் அழகாபுரம் மோகன்ராஜ், பார்த்தசாரதி, இளங்கோவன் உள்ளிட்டோர் கூட்டணி தொடர்பாக மீண்டும் பேச்சுவார்த்தை நடத்தியுள்ளனர். அப்போது பா.ம.க-வுக்கு ஒதுக்கப்பட்டது போல் தே.மு.தி.க-வுக்கும் 23 தொகுதிகள் ஒதுக்க வேண்டும் அல்லது இருபது தொகுதிகளுடன் ஒரு நாடாளுமன்ற தொகுதியை ஒதுக்க வேண்டும் எனவும் தே.மு.தி.க தரப்பில் கோரிக்கை வைக்கப்பட்டுள்ளது. 10.5% வாக்குகள் உள்ள பா.ம.க-வுக்கும், மத்தியில் ஆட்சியில் உள்ள பா.ஜ.க-வுக்கும் 22 தொகுதிகளைத் தான் ஒதுக்குவதாக அ.தி.மு.க தலைமை முடிவு செய்துள்ளது.

பிரேமலதா சொல்வது போல தே.மு.தி.க-வுக்கு 10%-க்கும் வாக்குகள் உள்ளன என்பது 2009ஆம் ஆண்டு நடைபெற்ற நாடாளுமன்ற கணக்கு. அதன் பின் அ.தி.மு.க உடன் கூட்டணி வைத்து 29 தொகுதிகளில் வெற்றி பெற்று எதிர்க்கட்சியாக சட்டப்பேரவைக்குள் சென்ற போது கூட அதன் வாக்கு விகிதம் 7.9%. இந்த அளவுக்கு வாக்குகள் கிடைத்ததற்கு கூட அ.தி.மு.க உடனான கூட்டணிதான் காரணம். 2016ஆம் ஆண்டு நடந்த சட்டப்பேரவை தேர்தலில் தே.மு.தி.க-வின் வாக்கு சதவிகிதம் 2.39-ஆகவும் 2019 நாடாளுமன்ற தேர்தலில் 2.19%-ஆகவும் குறைந்து கொண்டே வருகிறது என்றும் புள்ளிவிவரங்களை அடுக்கியுள்ளனர். மேலும், கட்சியின் வாக்கு விகிதம் இப்படி இறங்கு முகத்தில் இருக்கும் போது தே.மு.தி.க-வுக்கு 20 தொகுதிகளை எப்படி ஒதுக்குவது என்றவர்கள், தே.மு.தி.க-வுக்கு 9 அல்லது 10 தொகுதிகள் மட்டுமே ஒதுக்கப்படும் எனத் திட்டவட்டமாக கூறிவிட்டார்களாம்...

அ.தி.மு.க-வினரின் பேச்சில் அதிருப்தி அடைந்த தே.மு.தி.க-வினர் கூட்டணியை உறுதி செய்து விஜயகாந்த் கையெழுத்திட்ட கடிதத்தை மட்டும் கொடுத்துவிட்டு வந்துள்ளனர். தொகுதி பங்கீடு தொடர்பான முடிவுகள் எதுவும் எட்டப்படவில்லை. அதாவது கூட்டணியில் தொடர்கிறோம். ஆனால் தொகுதி பங்கீடில் இழுபறி நிலையே.

பேச்சுவார்த்தை தொடர்பாக தே.மு.தி.க வட்டாரத்தில் பேசியபோது “குறைந்தது இரட்டை இலக்கில் இடங்களை ஒதுக்கி தே.மு.தி.க-வை கௌரவப்படுத்த வேண்டும் என்பதுதான் எங்கள் கோரிக்கை. ஆனால், அ.தி.மு.க தரப்பில் இரட்டை இலக்கு என்ற இடத்திற்கே செல்லத் தயங்குகிறார்கள்” என்றனர் ஆதங்கத்துடன்...

source https://www.vikatan.com/news/politics/admk-is-reluctant-to-give-what-the-dmdk-is-asking-for-in-2021-assembly-election

வழக்கு பதிந்தது சி.பி.சி.ஐ.டி; ராஜேஷ் தாஸ் மீதான பிடி இறுகுகிறது!

தமிழக சட்டம், ஒழுங்கு சிறப்பு டி.ஜி.பி-யாக பணியாற்றியவர் ராஜேஷ் தாஸ். இவர் மீது இளம் பெண் ஐ.பி.எஸ் அதிகாரி ஒருவர் பாலியல் சீண்டல் புகாரளித்தார். அதுதொடர்பாக விசாரிக்க 6 பேர் கொண்ட குழுவை தமிழக அரசு அமைத்தது. அதைத்தொடர்ந்து, ராஜேஷ் தாஸ் தற்போது காத்திருப்பு பட்டியலில் வைக்கப்பட்டிருக்கிறார். ராஜேஷ் தாஸ் மீது புகாரளிக்க வந்த பெண் ஐ.பி.எஸ் அதிகாரியை செங்கல்பட்டு டோல்கேட் பகுதியில் வைத்து தடுத்து நிறுத்திய எஸ்.பி கண்ணன் மற்றும் ஐ.ஜி ஒருவர் மீதும் குற்றச்சாட்டு எழுந்தது. இந்தநிலையில் ராஜேஷ் தாஸ் மீதான வழக்கை சி.பி.சி.ஐ.டி போலீஸார் விசாரிக்க டி.ஜி.பி திரிபாதி உத்தரவிட்டார்.

இதையடுத்து சி.பி.சி.ஐ.டி போலீஸார், பெண் ஐபிஎஸ் அதிகாரியின் புகாரின் அடிப்படையில் ராஜேஷ் தாஸ் மீது வழக்குபதிவு செய்திருக்கின்றனர். அதோடு ராஜேஷ் தாஸுக்கு ஆதரவாக செயல்பட்ட எஸ்.பி கண்ணன் மீதும் வழக்கு பதிவு செய்யப்பட்டிருக்கிறது. விரைவில் இருவரையும் விசாரிக்க இருப்பதாக சி.பி.சி.ஐ.டி போலீஸார் தெரிவித்துள்ளனர். விசாரணைக்குப் பிறகுதான் நடவடிக்கை எடுக்கப்படும் என சி.பி.சி.ஐ.டி போலீஸார் தெரிவித்தனர். ராஜேஷ் தாஸ் வழக்கை விசாரிக்க சி.பி.சி.ஐ.டி ஏ.டி.எஸ்.பி கோமதி நியமிக்கப்பட்டிருக்கிறார். இதற்கிடையில் தமிழக அரசு அறிவித்த குழுவும் ராஜேஷ் தாஸிடம் விசாரிக்கவுள்ளனர்.

Also Read: சென்னை: பெண் ஐபிஎஸ் அதிகாரியின் பாலியல் புகார்! - சிறப்பு டிஜிபி ராஜேஷ்தாஸ் சிக்கியது எப்படி?

ராஜேஷ் தாஸ் மீது பெண்ணை மானபங்கப்படுத்துதல், பெண்கள் வன்கொடுமை தடுப்பு சட்டம் ஆகிய பிரிவுகளின் கீழ் வழக்குப் பதிவு செய்திருப்பதாக சி.பி.சி.ஐ.டி போலீஸார் தெரிவித்தனர்.

ராஜேஷ் தாஸ் மீது புகாரளித்த பெண் ஐ.பி.எஸ் அதிகாரியிடம் என்ன நடந்தது என்று முதற்கட்ட விசாரணை நடத்தப்பட்டு, அவர் அளிக்கும் தகவல்கள் வாக்குமூலமாக பதிவு செய்யப்படும். அதனடிப்படையில் ராஜேஷ் தாஸிடம் விசாரணை நடத்தப்படும்.

Also Read: மசாஜ்... டான்ஸ்... டார்ச்சர்... ரகிட ரகிட ராஜேஷ் தாஸ்!

ராஜேஷ் தாஸ் மீதான குற்றச்சாட்டை, தாமாக முன்வந்து சென்னை உயர் நீதிமன்றம் விசாரணைக்கு எடுத்திருக்கிறது. ``காவல்துறை பெண் அதிகாரிக்கே இந்த நிலைமையா?`` என நீதிபதி அதிர்ச்சி தெரிவித்துள்ளார். வழக்கு விசாரணை இன்று மதியம் 2.15 மணியளவில் சென்னை உயர் நீதிமன்றத்தில் நடைபெற உள்ளது. ஏற்கெனவே மாநில மனித உரிமை ஆணையமும் இந்த சம்பவம் தொடர்பாக விளக்கம் கேட்டிருக்கிறது.

ராஜேஷ் தாஸ் மீது அடுத்தடுத்து சட்ட நடவடிக்கை பாய்வதால் அவருக்கு நெருக்கடி அதிகரித்துள்ளது.

source https://www.vikatan.com/news/crime/cbcid-police-registered-fir-against-rajesh-das-ips