மேஷம் முதல் மீனம் வரையிலான 12 ராசிகளுக்கான ராசி பலன்களைக் கணித்துத் தந்திருக்கிறார் ஜோதிடர் ஶ்ரீரங்கம் கார்த்திகேயன். #இன்றையராசிபலன் Today's Horoscope | rasi palan #DailyHoroscope | #Rasipalan | #Horoscope #Raasi #Raasipalan #mesham #rishabam #mithunam #kadagam #simmam #kanni #thulam #viruchigam #dhanusu #magaram #kumbam #meenam #சந்திராஷ்டமம் #chandrastamam.
இலங்கையில் பெட்ரோல், டீசல் தொடங்கி பேப்பர் வரை அனைத்து அத்தியாவசியப் பொருட்களும் கடும் விலை உயர்வைச் சந்தித்திருக்கின்றன. சாமானிய மக்களுக்கு இலங்கையில் வாழ தகுதியற்ற சூழல் நிலவுகிறது. இந்த விலை உயர்வைத் தொடர்ந்து, எதிர்க்கட்சிகளும் மக்களும் வீதிகளில் இறங்கி அதிபருக்கு எதிராக போராட்டங்கள் நடந்திருக்கின்றனர். 2019-ல் நடந்த பொதுத் தேர்தலில் மைத்திரிபால சிறிசேனவை வீழ்த்தி கோத்தப்பய ராஜபக்சே அதிபராக பதவியேற்றார். 2020-ம் ஆண்டிலிருந்தே பெரும் பொருளாதார நெருக்கடிகளைச் சந்திக்க ஆரம்பித்தது இலங்கை. தற்போது திவலாகும் நிலைக்கு இலங்கை அரசு தள்ளப்பட்டிருக்கிறது. இந்த பொருளாதார சரிவுக்கு ராஜபக்சே அரசின் அதிரடி திட்ட அமலாக்கங்கள் காரணமா... இதன் ஆரம்பப் புள்ளி என்ன?
இது குறித்து, இலங்கை பிரதமரின் இணைச் செயலாளர் செந்தில் தொண்டமானிடம் பேசினோம். ``2019 கோவிட் பெருந்தொற்று தாக்கத்தால், இந்த பொருளாதார வீழ்ச்சி மோசமடைய தொடங்கியது. இலங்கையைப் பொறுத்தமட்டில் பொருளாதார ரீதியாக, 20% மட்டுமே தன்னிறைவு அடையும் நாடு. மீதமுள்ள 80 சதவிகிதத்துக்கு பிற நாடுகளைச் சார்ந்தே இலங்கையின் பொருளாதாரம் உள்ளது. குறிப்பாக இலங்கையின் வருவாய்க்கு வலு சேர்ப்பது இரண்டு விஷயங்கள்தாம். ஒன்று தேயிலை ஏற்றுமதி. மற்றொன்று, சுற்றுலா வருவாய். இவ்விரண்டுமே கோவிட் பெருந்தோற்றல் பாதிக்கப்பட்டன. அதன் விளைவாக பொருளாதாரம் சரிவைக் கண்டது. தன்னிறைவைப் பெரும் முனைப்போடு தற்போதைய அரசாங்கம் செயல்பட்டு வருகிறது. கூடிய விரைவில், மீதமுள்ள மூன்று வருட ஆட்சிக் காலத்தில் கண்டிப்பாக வீழ்ந்த பொருளாதாரத்தை 50% மீட்க முயல்வோம்" என்றார். மேலும், சுயலாப நோக்கமின்றி உதவ விரைந்த இந்தியாவுக்கு இலங்கை அரசு சார்பில் நன்றியும் தெரிவித்தார் செந்தில் தொண்டமான்.
`கோவிட் பெருந்தொற்று தான் இந்தப் பொருளாதார சரிவுக்கு காரணமா?' என்ற கேள்வியை இலங்கை இதழியலாளர் நிலாந்தனிடம் முன்வைத்தோம். ``இது தொடர்பாக மூன்று தரப்பு விளக்கங்கள் முன்வைக்கப்படுகின்றன. முதலாவதாக, அரசாங்கம் கோவிட் பெருந்தொற்றை காரணமாகக் கூறுகிறது. மறுதரப்பு அரசாங்கத்தின் கூற்றை மறுத்து, கோவிட் பரவலுக்கு முன்பாகவே இந்த புதிய அரசாங்கம் ஆட்சிக்கு வந்த 2019-ம் ஆண்டு, வரிக்குறைப்பு செய்ததால் வந்த விளைவுதான் இது என்கிறது. மூன்றாவது தரப்பானது, 2019 ஈஸ்டர் குண்டுவெடிப்பிலிருந்து பொருளாதாரம் சரிய தொடங்கியதாகக் கூறுகிறது. இப்படியாக மூன்று கோணங்களில் இந்தப் பிரச்சனை அணுகப்படுகிறது. இவைதவிர தமிழ் மக்கள் தரப்பில், தமிழீழ போர் காலம் தொடங்கி இலங்கையின் பொருளாதாரமானது சரியத்தொடங்கியது என்ற கருத்துகளும் சொல்லப்படுகிறது. போர் நிலவும் எந்த நாடும் முதலீட்டாளர்களை ஈர்க்காது. அது மட்டுமில்லாமல் இப்போது அரசாட்சியிலிருக்கும் கோத்தப்பய ராஜபக்சேவுடைய அரசானது ஈழப் போர் வெற்றியை முன்னிறுத்தியே தேர்தலை வென்றுள்ளது. மூன்றில் இரண்டு தனி சிங்களப் பெரும்பான்மை பெற்ற அரசு என்று மார்தட்டிக்கொள்கிறது. ஆக போர்தான் இதன் தொடக்கப்புள்ளி. அதை ஏற்கமறுக்கிறது ஆளும்கட்சி"
மேலும் இலங்கையின் விவசாயம் பற்றிய பேசிய நிலாந்தன், ``கோத்தப்பய ராஜபக்சே பதவியேற்றவுடன், செயற்கை உரத்தை முற்றிலுமாக தவிர்த்து இயற்கை உரம் கொண்டு விவசாயம் செய்யும் விவசாயிகளுக்கு மட்டும் தான் மானியம் வழங்கப்படும் என்று அறிவித்தார். இந்தத் திட்டம் விவசாயம் மூலம் கிடைக்கும் வருமானத்தை வெகுவாக பாதித்தது'' என்றவரிடம், `இந்த நெருக்கடியில் ஈழத்தமிழர்கள் நிலை என்ன?' என்று கேட்டோம்
அதற்கு, ``ஏற்கனவே தமிழர்கள் சாவினால் சப்பித் துப்பப்பட்டவர்கள். போர்ச் சூழலில் தமிழ் மக்கள் சந்தித்த இன்னல்களை ஒப்பிடும் போது இந்த நிலை எல்லாம் ஒன்றுமே இல்லை. சிங்களர்கள் பலர் பட்டினியால் மாண்டு போகிறார்கள் என்று செய்திகள் வந்த வண்ணம் உள்ளன. ஆனால், தமிழ் மக்கள் மத்தியில் அந்த நிலை இன்னும் வரவில்லை. ஆம், இங்கும் பற்றாக்குறை நிலவுகிறது. ஆனால் இதைக் காட்டிலும் அதிக இன்னல்களை சந்தித்ததால் இந்த நிலையை தமிழர்கள் கடப்பார்கள் என்று நம்புகிறோம்" என்று பதிலளித்தார்.
‘நோயற்ற வாழ்வே குறைவற்ற செல்வம்’, ‘நோய் வராமல் தடுப்பதே, நோய் வந்தபின் அதற்கு சிகிச்சை அளிப்பதைவிட சிறந்தது’, என்பது எல்லோருக்கும் தெரிந்ததே. ஆனால் அதனை எத்துனை பேர் நடைமுறையில் கடைப்பிடிக்கிறார்கள் என்றால், அதற்கு பதில் மிகக் குறைவானவர்களே என்று தான் வரும்.
நோய் நொடி இல்லாமல் நீண்ட காலம் வாழவேண்டும். பேரன் பேத்தி திருமணத்தை எல்லாம் பார்த்து அனுபவிக்க வேண்டும் என்ற ஆசை மட்டும் உண்டு. ஆனால் அதற்காக – நல்ல உடல் நலத்திற்காக – எந்த முயற்சியும் எடுத்துக் கொள்ள மாட்டார்கள். கண்கெட்ட பின்பு தான் சூரிய நமஸ்காரம் என்று ஆகிவிட்டது. நம் உடலில் உள்ள ஒரு உறுப்பு பழதடையும் பொழுது தான் அதன் அவசியம் தெரிய வருகிறது. பல் வலி வந்த பின்பு தான் அவசர அவசரமாக பல் மருத்துவரை நாடுகிறோம். நெஞ்சில் தாங்க முடியாத தொல்லை வந்த பின்பு தான் இருதய மருத்துவரிடம் செல்கிறோம். இதையெல்லாம் தவிர்த்து, நம் உடல்நலத்தை நன்றாக வைத்துக் கொள்ள முடியாதா? முடியும். ஆனால் அதற்கு நம் மனம் ஒப்புக்கொள்ள வேண்டும். அதற்கென்று இந்த அவசர காலத்தில் சிறிது நேரத்தையும் ஒதுக்க வேண்டும். அதற்குத்தான் நேரமே இல்லையே. தினமும் அவசரம் அவசரம் என்று எதையோ சாதிப்பதாக நினைத்து, உடலையும் மனதையும் கெடுத்துக் கொண்டு, பணம் சம்பாதிப்பது ஒன்று மட்டுமே குறிக்கோள் என்று அல்லவா நமது சமுதாயம் அலைந்து கொண்டு இருக்கிறது. அந்த குறிக்கோளை (அனேகமாக பணத்தை நோக்கித்தான்) அடைவதற்கு, உடல்நலம் மற்றும் குடும்ப நலமும் அடகு வைக்கப்படுகிறது. இறுதியில் உடல்நலம் கெட்டு, எடுத்த காரியத்தையும் நிறைவேற்றாமல் குடும்பத்தாருக்கு ஒரு சுமையாக வாழ்க்கை முடிந்து விடுகிறது.
தொலைக்காட்சி பெட்டி, குளிர்சாதனப் பெட்டி, குளிர்சாதன கருவிகள் மற்றும் கார் என எந்தப் பொருளை வாங்கினாலும் அதற்கு இலவச பராமரிப்பு எது வரை என்று தெரிந்து கொள்ள எவ்வளவு ஆவலாக இருக்கிறோம். அது முடிந்ததும் தொடர்ந்து பாராமரிப்பு ஒப்பந்தமும் போட்டுக் கொள்கிறோம். நம் தேவைக்காக உழைக்கும் இந்த இந்திரங்கள் மீதுதான் நமக்கு எவ்வளவு அக்கறை !
இந்த இயந்திரங்களின் ஆயுள் சில ஆண்டுகள்தான். ஆனால், ஆயுள் முழுக்க ஓயாமல் உழைத்துக் கொண்டிருக்கும் நம் உடலுக்கு இதைவிட உன்னதமான பராமரிப்பு தேவை என்பதை எப்போதாவது நாம் நினைத்ததுண்டா? பிறந்ததிலிருந்து இறக்கும் வரை நமக்காக உழைக்கும் இந்த உடலை எவ்வளவு உயர்வாகப் பராமரிக்க வேண்டும் என்று ஒரு நிமிடமாவது எண்ணியதுண்டா? எந்திரங்களுக்குக் கொடுக்கும் கவனிப்பு கூட நமது உடலுக்கு இல்லையே!
காலமுறைப்படி பரிசோதனை
ஒரு கார் என்றால், அதை இத்தனை கிலோ மீட்டர் தூரம் ஓடிய பிறகு, அல்லது இத்தனை நாட்களுக்கு ஒருமுறை பராமரிப்புப் பணி செய்ய வேண்டும் என கார் நிறுவனம் நிர்ணயம் செய்திருக்கிறது.
மருத்துவ உலகமும் பல ஆண்டுகள் நிகழ்த்திய ஆய்வுகளை வைத்து சில நடைமுறைகளை நிர்ணயம் செய்துள்ளது. அதாவது காலமுறைப்படி நமது உடலை பரிசோதனை செய்து கொண்டால், உடல் உறுப்புகளின் செயல்திறன்களை நன்றாக வைத்துக் கொள்ள முடியும்.
ஐம்பது வயதிற்கு மேல் பலருடைய உடல், பல நோய்களின் மேய்ச்சல் காடாக உள்ளது. எந்த உபாதையும் தராமல், எந்த அறிகுறியையும் வெளிப்படுத்தாமல், இருளில் ஒளிந்திருக்கும் திருடன் போல பல நோய்கள் தொல்லையின்றி மறைந்திருக்கும். இது சம்பந்தப்பட்டவருக்கே தெரியாது.
மூட்டுவலி என்று என்னிடம் வருபவருக்கு முறையாக பரிசோதனை செய்யும் பொழுது அவருக்கு உயர் இரத்த அழுத்தம் இருப்பதாக தெரிவித்தவுடனேயே, எனக்கு மயக்கம், தலைவலி போன்ற எந்த தொல்லையுமே இல்லையே, அப்படியிருக்க எப்படி எனக்கு இரத்த அழுத்தம் அதிகமாக இருக்கும் என்பர். கண்புரை அறுவை சிகிச்சைக்கு, தகுதியானவரா என்று என்னிடம் சான்றிதழ் பெற வர நோயாளிகள் வருவார்கள். அவர்களின் சர்க்கரையின் அளவைப் பரிசோதித்ததில் சுமார் 300 மி.கி. மேல் இருப்பதை அவரிடம் கூறியதும், நீரிழிவு நோய்க்கான தொல்லை இதுவரையிலும் என்னிடம் இல்லையே அப்படியிருக்க எனக்கு எப்படி இந்நோய் இருப்பதாக கூறுகிறீர்கள் என்று என்னிடம் பலர் ஆச்சரியத்துடன் கேட்பார்கள். அவர்களுக்கு எல்லாம் நான் கூறும் ஒரே பதில் இது தான். ‘தொல்லைகள் ஏதுமின்றி மறைந்து இருந்து தாக்கும்’. இதுதான் முதுமைக்கால நோய்களின் வெளிப்பாடு.
சுமார் ஒரு ஆண்டுக்கு முன்பு எனது கிளினிக்கிற்கு சுமார் 60 வயதுள்ள ஒருவர் தனது மார்பில் ஏதோ சங்கடம் இருப்பதாகக் கூறி வந்தார். பருத்த உடல். இரத்த அழுத்தம் அதிகமாக இருந்தது. எல்லா பழக்கங்களும் உண்டு, மது அருந்துவது, புகை பிடிப்பது உள்பட. நான் ஈ.சி.ஜி. எடுத்து, அதில் மாரடைப்பு வருவதற்கான அறிகுறி தெரியவந்துள்ளது. ஆகையால் அவரை மருத்துவமனையில் சேர்க்கும்படி கூறினேன. அதற்கு சம்மதிக்காமல் என்னிடம் மருந்துசீட்டு மட்டிலும் பெற்றுக்கொண்டு சென்று விட்டார். சுமார் 6 மாதங்கள் கழிந்து அதே நபர், மிகவும் இளைத்து மிக்க சோர்வுடன் வந்தார். விசாரித்தில் நான் கொடுத்த மருந்தை சரியாக எடுத்துக் கொள்ளவில்லை. சுமார் 2 மாதங்களில் திடீரென்று மார்புவலி வரவே அருகிலுள்ள மருத்துவமனைக்குச் சென்று இதய அறுவை சிகிச்சை பெற்று சுமார் 15 நாட்கள் கழித்து வீட்டிற்கு திரும்பினார். மொத்த செலவு சுமார் 2 லட்சத்தையும் தாண்டிவிட்டது. நகையை அடகு வைத்து மருத்துவச் செலவை சமாளித்தார். இப்பொழுது அவரை வாட்டுவது உடல்நலத்தைவிட நிதிச்சுமையும், மனச்சுமையும் தான். அன்றே மாரடைப்புக்கு தக்க சிகிச்சை பெற்றிருந்தால் ஒரு சில ஆயிரத்தில், அறுவை சிகிச்சையின்றி, வைத்தியம் முடிந்திருக்கும். அவர் பெற்றது மிகவும் விலை உயர்ந்த படிப்பினை!
முதுமையில் மறைந்து இருக்கும் நோய்கள்
⦁ நீரிழிவு நோய்
⦁ உயர் இரத்த அழுத்தம்
⦁ புற்று நோய்
⦁ எலும்பு பலவீனம் அடைதல்
⦁ காச நோய்
⦁ பிராஸ்டேட் சுரப்பியின் வீக்கம்
⦁ கை விரல்களில் ஏற்படும் நடுக்கம்
⦁ இரத்த சோகை
⦁ தைராய்டு சுரப்பியின் தொல்லைகள்
⦁ பித்தப்பையில் கற்கள்
50 வயதிற்கு மேற்பட்டவர்கள் ஆண்டுக்கு ஒரு முறை மருத்துவ பரிசோதனை செய்து கொள்வது மிகவும் அவசியம். இதன் மூலம் மறைந்திருக்கும் நோய்களை எளிதில் கண்டறிய முடியும்; நோய்களை ஆரம்ப நிலையிலேயே கண்டு அதற்கு தக்க சிகிச்சையளிக்க முடியும். குடும்ப மருத்துவரின் ஆலோசனை பெற்று அவரின் பரிந்துரைப்படி மருத்துவப் பரிசோதனைகளை செய்து கொள்வது நல்லது. முதன் முதலாக பரிசோதனை செய்து கொள்பவர்கள், முடிந்தளவிற்கு எல்லா பரிசோதனைகளையும் செய்து கொள்வது நல்லது. உதாரணம்: ரத்தம் சார்ந்த பரிசோதனைகள், மார்பு எக்ஸ்ரே, ஈ.சி.ஜி., வயிறு அல்ட்ராசோனோகிராம் போன்ற பரிசோதனைகள்.
பரிசோதனைகளில் என்ன வேறுபாடுகள் உள்ளதோ அதற்கு ஏற்றாற்போல மருத்துவரின் உதவியை பெற்று தக்க சிகிச்சை எடுத்துக் கொள்ளலாம். இபபரிசோதனைக்கு சுமார் 3,000 ரூபாய் முதல் 4,000 ரூபாய் வரை செலவாகலாம். தீபாவளிச் சீட்டு, நகைச்சீட்டு என்றெல்லாம் சேமிக்கிறார்கள். மாதம் 300 ரூபாயாவது உங்கள் உடல் நலத்திற்காக சேமிக்க முடியாதா!
பரிசோதனை செய்து ஒரு ஆண்டு கழித்து முதலில் செய்த எல்லா பரிசோதனைகளும் செய்ய வேண்டும் என்ற அவசியம் இல்லை. கடந்த ஆண்டில் எந்த பரிசோதனையில் மாற்றம் உள்ளதோ (உதாரணம்: சர்க்கரையின் அளவு, கொழுப்புச் சத்து அளவு, தைராய்டு சுரப்பியின் விவரம்) அவற்றை மட்டும் இந்த முறை செய்தால் போதுமானது. மேலும் கடந்த ஒரு ஆண்டில் வேறு ஏதாவது புதுத் தொல்லைகள் ஏற்பட்டிருந்தால் மருத்துவரின் ஆலோசனையைப் பெற்று அதற்கேற்ற பரிசோதனைகளைச் செய்து கொள்ளலாம். இதன் மூலம் ரூ.1,000த்துக்கு உள்ளேதான் செலவாகும்.
வழக்கமாக செய்யும் பரிசோதனைகளுடன் சுமார் 50 வயதிற்கு மேற்பட்ட பெண்கள் தைராய்டு பரிசோதனையும், பாப்ஸ்மியர் பரிசோதனை மற்றும் சுய மார்பகப் பரிசோதனை செய்து கொள்வது, ஆரம்ப நிலையிலேயே புற்றுநோயைக் கண்டறிய மிகவும் உதவும். ஆண்கள் புராஸ்டேட் சுரப்பியில் ஏற்படும் புற்றுநோயைக் கண்டறிய பி.எஸ்.ஏ. எனும் ரத்தப் பரிசோதனையும் செய்து கொள்ள வேண்டும்.
பல பரிசோதனைக் கூடங்களில் சலுகை விலையில் முழுஉடல் பரிசோதனை என்ற பெயரில் விளம்பரம் கொடுத்து, தேவையில்லாத பல பரிசோதனைகளை செய்து பணத்தை வீணாக்குகிறார்கள். இதற்கு நீங்கள் பலிகடாவாக வேண்டாம். இந்த நீண்ட பரிசோதனை முடிவுகளை மருத்துவரிடம் காண்பித்து அவரின் பொன்னான காலத்தையும் வீணாக்க வேண்டாம்.
வருமுன் காக்க, காலமுறைப்படி பரிசோதனை செய்து கொள்வது அவசியம்! மிக அவசியம்!! மிகமிக அவசியம்!!!
ஷமியின் ஷாக்கடிக்கும் ஸ்பெல் முதல் திவேதியாவின் மீட்டெடுக்கும் இன்னிங்க்ஸ் வரை என பல சுவாரஸ்யமான காட்சிகளை உள்ளடக்கி, டாப் 10-ல் முக்கிய இடம்பிடித்து விட்டன இந்த இரு புதுவரவு அணிகளும்.
பவர்பிளே ஓவர்களும், புதுப்பந்தும் சவாலையும் வாய்ப்பையும் ஒரு பௌலருக்கு ஒருங்கே அளிப்பவை. இந்த ஆடுபுலி ஆட்டத்தில் விக்கெட் வேட்டையாடும் அணிகள் மட்டுமே கூடுதல் பலத்தோடு முன்னேறும். நியூபாலோடு ஷமி இறங்கியபோது கே.எல்.ராகுல் ஆங்கர் ரோலில் ஆட, டீ காக் அவரது அபிமான வான்கடேயில் ஷமி உட்பட பௌலர்களை வறுத்தெடுக்கப் போகிறார் என்பதே பலரது கணிப்பாக இருந்திருக்கும். பிட்ச் ரிப்போர்ட்டும் வேகப்பந்து வீச்சாளர்களுக்குப் பாதகமாகவே கூறப்பட்டிருந்ததால், "ஷமியால் என்ன செய்துவிட முடியும்?" என குஜராத் ரசிகர்களேகூட மைண்ட் வாய்ஸில் பேசியிருக்கலாம். ஆனால், அரங்கேறிய காட்சிகள் வேறு.
பும்ரா டெஸ்டில் டி20 லைன் அண்ட் லெந்த்தில் வீசி, டெய்ல் எண்டர்களைச் சுருட்டிப் பார்த்திருக்கிறோம். ஆனால், டி20-ல் டெஸ்ட் லெந்த்தில் பந்துகளை வீசி விக்கெட் வேட்டையாடினார் ஷமி. மூன்று ஓவர்கள் மூன்று விக்கெட்டுகள் என உலகத்தரம் வாய்ந்த இரண்டு ஓப்பனர்களோடு, மத்திய வரிசையை பலப்படுத்தும் மணீஷ் பாண்டேவையும் வெளியேற்றி, லக்னோ அணியின் முதுகுத் தண்டையே அடித்து உடைத்தார்.
ஃபுல் லெங்க்த்தில், ஆஃப் ஸ்டம்புக்கு சற்றே வெளியே வீசப்பட்ட பந்தை டிஃபெண்ட் செய்து ஆட கேஎல் ராகுல் முன்வர, அது எட்ஜாகி கீப்பர் கேட்ச் ஆனது. தனது ஐபிஎல் கேப்டன்ஷிப் கரியரில் கேட்ட முதல் டிஆர்எஸ்ஸே ஹர்தீக்கிற்கு முதல் விக்கெட்டை அதுவும் எதிரணியின் கேப்டனின் விக்கெட்டைப் பெற்றுத் தந்தது. தனது 50-வது டி20 அரைசதத்தை அடிப்பார் என எதிர்நோக்கப்பட்ட ராகுல், கோல்டன் டக்கில் வெளியேற கொஞ்சமாக வெளிறத் தொடங்கியது லக்னோவின் முகம்.
தனது ஸ்பெல்லின் இரண்டாவது ஓவரை ஷமி வீசவர, இம்முறை பலியானது டீ காக். இடக்கை ஆட்டக்காரரான டீ காக்கிற்கு ரவுண்ட் த விக்கெட்டில் வந்து ஷமி வீசிய இன்ஸ்விங்கர் மிடில் ஸ்டெம்பைப் பதம் பார்த்தது. அஸ்திவாரத்தையே ஆட்டங்காண வைத்தன இந்த இரு விக்கெட்டுகளும். நடுவில் வருண் ஆரோன் விரித்த வலையில் லூயிஸ் சிக்கினார். லூயிஸைப் பொறுத்தவரை, அவர் மேற்கிந்தியத் தீவின் ஒரு ரோஹித். புல் ஷாட்டுகளின் மீதான அவரது காதல், டைமிங், லைன் எதைப் பற்றியும் யோசிக்க விடாமல் அவரை அவசரப்பட வைக்கும். அந்தப் பலவீனத்தைப் பயன்படுத்தி அவருக்கு ஷார்ட் பால்களை ஸ்டம்புக்கு வெளியே வீசிக் கொண்டிருந்தார் வருண். அதில் புல்ஷாட் ஆட அவர் முயல அதை மிட்விக்கெட்டில் இருந்து பின்நோக்கி ஓடிவந்து நம்பமுடியாத வகையில் கேட்ச் ஆக்கினார் கில்.
மூன்று விக்கெட்டுகளை இழந்த லக்னோ ரசிகர்கள் 'நோ லக்' என நொந்து கொள்ளத் தொடங்கினர். டெத் ஓவருக்காக வைத்திருக்காமல் மூன்றாவது ஓவரையும் ஷமிக்குக் கொடுத்தது ஹர்தீக்கின் புத்திசாலித்தனமான நகர்வு. இம்முறை அவரிடம் விழுந்தது மணீஷ். குட் லெந்தில் சற்றே வெளியே நகர்ந்த பந்து, மணீஷின் பேட் மற்றும் பேடுக்கு இடையே இருந்த இடைவெளியில் முன்னேறி ஸ்டம்பைத் தகர்த்தது.
சீம் மூவ்மண்ட் + வேகம் + பவுன்ஸ் + ஸ்விங் என அத்தனை வேகப்பந்து வீச்சுக் கூறுகளையும் ஆயுதமாக்கி, விக்கெட்டு(களை) எடுத்தார் ஷமி. பவர்பிளேயில் வீசப்பட்ட மிகச்சிறந்த ஸ்பெல்களில் ஒன்றாக இதைக் கண்டிப்பாக இணைக்கலாம். ரஷித் கான்தான் வில்லனாவார் என எதிர்பார்த்தால் ஷமி வில்லாதி வில்லன் அவதாரமெடுத்திருந்தார்.
அப்போதிருந்த நிலைக்கு லக்னோ 100-ஐத் தொடுமா என்ற நிலையே இருந்தது. ஆனால், ஹூடா ஆபத்பாந்தவனாக வந்து சேர்ந்தார். முன்பொருமுறை ராஜஸ்தான் ராயல்ஸுக்காக தனது பிறந்த நாளன்று அற்புதமான ஒரு கேமியோவை அவர் ஆடியிருந்தார். இப்போட்டியில் அவர் ஆடியது ரன் கணக்கில் பார்த்தால் அதைவிட முக்கியத்துவம் வாய்ந்தது.
ஹூடாவுக்கும் ஆயுஷ் பதோனிக்கும் இடையேயான பார்ட்னர்ஷிப்தான், அணியை கௌரவமான ஸ்கோரை நோக்கி நகர்த்தியது. 68 பந்துகள் நீடித்த இக்கூட்டணி, 87 ரன்களைக் குவித்தது. ஃபெர்கூசனின் மிரளவைக்கும் வேகத்துக்கு மடங்காததோடு இரண்டு ஆண்டுகளுக்குப் பின் பந்துவீசிய ஹர்தீக்கின் எக்கானமியையும் எகிற வைத்தனர். குறிப்பாக, ஆயுஷ், ஹர்தீக் வீசிய ஓவரில் சந்தித்த நான்கு பந்துகளில் 15 ரன்களைக் குவித்து தனது தன்னம்பிக்கை அளவுமானியை சற்றே உயிர்க்க வைத்தார். அங்கிருந்து இக்கூட்டணி பின்வாங்கவே இல்லை. இறுதியாக, ரஷித்தின் ஸ்லைடர், ஸ்டம்ப் லைனில் முன்னேறி சத்தமில்லாமல் ஹூடாவை எல்பிடபிள்யூவாக்கியது.
அழுத்தத்தால் நொறுங்காமல் 41 பந்துகளில் 55 ரன்களை ஹூடாவும், அவர் வெளியேறிய பின் அதே 41 பந்துகளில் 54 ரன்களைக் குவித்த ஆயுஷும், சர்வதேச அனுபவமுள்ள சீனியர் பிளேயர்கள் கூடச் செய்யத் தவறியதை சுவடின்றிச் செய்திருந்தனர். க்ருணாலின் இறுதிநேரப் பங்களிப்பும் சேர்ந்து அணியின் ஸ்கோரை 158-க்கு எடுத்துச் சென்றது. இக்கட்டான நிலையில் அறிமுகப் போட்டியில் களமிறங்கி அதனை தனக்கான வாய்ப்பாகப் பயன்படுத்தி அரைசதம் கடந்து இளம்நட்சத்திரமாக உருவெடுத்துள்ளார் ஆயுஷ்.
159 என்பது எட்டக்கூடியதேயெனினும், லக்னோவின் வேகமும் ஸ்பின்னும் கலந்துறவாடும் பலமான பௌலிங்படை விட்டுக் கொடுக்காது என்பது அனைவரும் அறிந்ததே. அதிவேக எக்ஸ்பிரஸான அவேஷ் கான்தான் கணக்கைத் தொடங்குவார் என அனைவரும் நினைக்க, ஷமீரா மிரட்டலான தொடக்கம் கொடுத்தார். ஃபுல் லெந்த்தில் ஆஃப் சைடுக்கு மிக வெளியே அவர் வீசிய மூன்றாவது பந்தினை கில் அடிக்க முயல, அது ஹூடாவிடம் சென்று அடைக்கலம் புக, ரன் எதுவும் எடுக்காமல் அவர் கிளம்பினார். இதைக்கூட மறந்து இருபக்க ரசிகர்களும் கொண்டாடிய காட்சி, சில மாதங்களாக பரம விரோதத்தோடு வலம் வந்து கொண்டிருந்த க்ருணாலும், ஹூடாவும் அதையெல்லாம் மறந்து, ஆரத்தழுவிக் கொண்ட காட்சிதான். விளையாட்டின் அழகே அதுதானே... பகைமையையே மறக்க வைக்கும்.
முதல் விக்கெட்டை இழந்த குஜராத்துக்கு அடுத்த பேரிடியாக இறங்கியது முப்பரிமாண வீரர் விஜய் ஷங்கரின் விக்கெட். ஷமீராவிடம் மலிங்காவை நினைவுபடுத்தும் அம்சம் அவருடைய காலைத் தாக்கும் யார்க்கர்கள்தான். விஜய் ஷங்கருக்கு அவர் வீசியதும் அப்படி ஒரு அட்டகாசமான இன்ஸ்விங்கிங் யார்க்கர்தான். அவரால் தகர்ந்தது ஸ்டம்ப்புகள் மட்டுமல்ல, குஜராத் ரசிகர்களின் நம்பிக்கையும்தான்.
அதை மறுபடி கட்டமைக்கப் போராடியது புதிதாக இணைந்த ஹர்தீக் - வேட் கூட்டணி. 'நிதானமே பிரதானம், விக்கெட் இழப்பிற்கு மட்டும் 'தடா' போட்டு விட்டால், இறுதி ஓவர்களில் பார்த்துக் கொள்ளலாம்' என இருபக்கமும் நங்கூரத்தை ஆழமாகவே நட்டது இந்தக் கூட்டணி. வாய்ப்புக் கிடைத்த போது மட்டும், அவ்வப்போது ஒரு சிக்ஸரையும் பவுண்டரியையும் கண்ணில் காட்டிவிட்டு, மொத்த ஆற்றலையும் சேர்த்து வைத்தனர். ஆனால், விதி ஹர்தீக்கிற்கு க்ருணால் வடிவில் வந்தது. வான்கடே மைதானத்தில் இதே கூட்டணி ரன்களைக் குவித்துள்ளது, விக்கெட் வீழ்த்தி அதனை பரஸ்பரம் கொண்டாடியுமுள்ளது. ஆனால், இப்போட்டியில் அக்னி நட்சத்திரம் சகோதரர்களாக ஐபிஎல் இவர்களை மாற்றி விட்டிருந்தது. 33 ரன்களோடு களத்தில் நின்றிருந்த ஹர்தீக், க்ருணாலின் சுழலில் சிக்கி வெளியேறினார். அதற்கடுத்த ஓவரே ஹூடா, வேடை அனுப்ப, ரவி பிஷ்னாய் செய்வார் எனக் கணிக்கப்பட்டதை இந்த பார்ட் டைம் ஸ்பின்னர்கள் செய்து முடித்தனர்.
மீதமுள்ள 49 பந்துகளில் 81 ரன்கள் தேவை என்ற கடினமான கட்டத்தை அணி எட்ட, மீட்டெடுக்க இணைந்தனர் மில்லரும், திவேதியாவும். இருவருக்குமுள்ள ஒற்றுமை, நிலைப்புத்தன்மை இல்லாததும், அதிசயமாக ஏதோ ஒரு நாளில் அவர்கள் ஆடும் வெறித்தனமான கேமியோக்களும். எனவே இருவரில் ஒருவர், பௌலர்களை நொறுக்கத் தொடங்கினாலும் கடந்த இரண்டு போட்டிகளில் நடந்ததை மீண்டுமொரு முறை ஓட்டிப் பார்க்கலாம் என ஆவலுடன் ரசிகர்கள் காத்திருந்தனர். ஆனால், க்ருணால் - ஹூடா - ரவி பிஷ்னாய் என மும்முனைத் தாக்குதலை ராகுல் முடுக்கிவிட்டார்.
அதில் சில ஓவர்கள், சற்றே அடக்கி வாசித்த இக்கூட்டணி, "இப்போதில்லையெனில் எப்போதுமில்லை" என ஹூடா வீசிய போட்டியின் 16-வது ஓவரில் 22 ரன்களை அடித்து நொறுக்கி, 'பேக் டு தி கேம்' என வந்து அமர்ந்தது. ஸ்பின்னர்களுக்கு விட்டுக் கொடுப்பது போல் போக்குக் காட்டி, ரன்களைத் திரும்பவும் அடித்து வாங்கிவிட்டனர்.
இறுதி நான்கு ஓவர்களில் 46 ரன்கள் வேண்டும் என்பது, போட்டியின் வெற்றி முள், குஜராத்தின் பக்கம் கைகாட்டத் தொடங்கியதைக் காட்டினாலும் நடுவில் ஸ்லோ பாலினால், அவேஷ் வீழ்த்திய மில்லரின் விக்கெட், கேம் சேஞ்சிங் மொமண்டாக மாறுமோ என அச்சுறுத்தியது. ஆனால், திவேதியா கைப்பற்றிய மொமெண்டத்தை அப்படியே கையில் வைத்திருந்து இறுதிவரை கொண்டு சென்றார்.
கடைசி ஓவர் வரை போட்டி நகர, 11 ரன்கள் வெற்றிக்கும் குஜராத்துக்கு நடுவில் நிற்க, மூன்று பவுண்டரிகளை நான்கு பந்துகளில் அடித்து, இரு பந்துகள் எஞ்சியிருக்கும் நிலையிலேயே வெற்றி பெற்றது குஜராத். திவேதியா இன்னுமொரு நினைவு கொள்ளத்தக்க இன்னிங்ஸை ஆடினார்.
ஹர்தீக் ஸ்கோர் செய்த இடத்தில்தான், கேஎல் ராகுல் கோட்டை விட்டிருந்தார். இரண்டு விக்கெட் விழுந்ததும், மூன்றாவது ஓவரையும் ஷமியின் கையில் கொடுத்து, அழுத்தத்தை அதிகரித்து விக்கெட் விழ வைத்தார் ஹர்தீக். ஆனால், ராகுலோ அதற்கு மாறாக, பவர் பிளேயில் இரண்டு விக்கெட்டுகளை வீழ்த்திய ஷமீராவுக்கு அவரது நான்கு ஓவர்களைக் கூட முழுதாகக் கொடுக்கவில்லை. டெத் ஓவரில் அவரைக் கொண்டு வரத் தாமதித்து ஹூடாவிடம் பந்தைக் கொடுத்த இடத்திலேயே லக்னோவின் கதை முடிந்தது.
அனுபவமற்ற கேப்டன், அணிக்கு உருவாரமே இல்லை எனப் பல விமர்சனங்களும் குஜராத் பக்கம் படிந்திருக்க, லக்னோவோ கோப்பையை வெல்லும் அமைப்புள்ள அணி என புகழப்பட்டது.
ஆனால், குஜராத் அனைவரையும் ஆச்சரியத்துக்கு உள்ளாக்கி வென்றுவிட்டது.
முதல் சந்திப்பையே சுவாரஸ்யம் நிறைந்ததாக மாற்றி, மற்ற அணிகளுடனான அடுத்தடுத்த மோதல்களுக்கும் ஆயத்தமாயுள்ளதை அறிவித்துள்ளன இரு அணிகளும்!
மேஷம் முதல் மீனம் வரையிலான 12 ராசிகளுக்கான ராசி பலன்களைக் கணித்துத் தந்திருக்கிறார் ஜோதிடர் ஶ்ரீரங்கம் கார்த்திகேயன். #இன்றையராசிபலன் Today's Horoscope | rasi palan #DailyHoroscope | #Rasipalan | #Horoscope #Raasi #Raasipalan #mesham #rishabam #mithunam #kadagam #simmam #kanni #thulam #viruchigam #dhanusu #magaram #kumbam #meenam #சந்திராஷ்டமம் #chandrastamam.
