source https://www.vikatan.com/spiritual/astrology/new-year-astrological-predictions-for-all-12-astro-signs-by-kp-vidhyadharan
வெள்ளி, 30 டிசம்பர், 2022
ஆங்கிலப் புத்தாண்டு 2023 ராசிபலன்கள்: ஜோதிட ரத்னா கே.பி. வித்யாதரன் கணித்த பலன்கள் சொல்வது என்ன?
source https://www.vikatan.com/spiritual/astrology/new-year-astrological-predictions-for-all-12-astro-signs-by-kp-vidhyadharan
வேட்டி, சேலை திட்டம்: ``பதில் வந்ததே தவிர, பலன் கிடைக்கவில்லை" - ஆர்.பி.உதயகுமார் காட்டம்
முன்னாள் அமைச்சர் ஆர்.பி.உதயகுமார் விடுத்துள்ள அறிக்கையில், "கைத்தறி நெசவாளர்களுக்கு வேலைவாய்ப்பை வழங்கி அவர்களின் வாழ்வாதாரத்தை உயர்த்த எம்ஜிஆர்-ஆல் 1983-ம் ஆண்டு தைப்பொங்கலுக்கு விலையில்லா வேட்டி சேலை வழங்குகிற திட்டம் தொடங்கப்பட்டது.
அதைத்தொடர்ந்து அம்மா ஆட்சியில் இத்திட்டம் மேம்படுத்தப்பட்டது. எடப்பாடியார் ஆட்சியில் 2021- ஆம் ஆண்டு ரூ.2,500, பொங்கல் பரிசு தொகுப்புடன் வேட்டி, சேலை வழங்கப்பட்டது.
தற்போது வேட்டி சேலைகள் வழங்குவதில் பல்வேறு குளறுபடிகள் உள்ளதை எடப்பாடியார் அறிக்கை மூலம் அரசுக்கு கண்டனமும் எச்சரிக்கையும் விடுத்திருந்தார். வரும் பொங்கலுக்கு வழங்க வேண்டிய வேட்டி, சேலை நெசவு செய்யும் பணியில் திமுக அரசின் நிர்வாக குளறுபடிகளால் முடங்கிப் போயுள்ளது. இதனால் நெசவாளர்களுக்கும் கூட்டுறவு சொசைட்டிகளுக்கும் ஆபத்து ஏற்பட்டுள்ளது.
90 சதவிகித நெசவாளர்கள் தங்களுக்கு கொடுக்கப்பட்ட தரமில்லாத நூல்களை அரசுக்கே திருப்பி அனுப்பி வருவதாகவும், தரமான நூல் தந்தால்தான் வேட்டி, சேலை தயாரிக்க முடியும் என்று திட்டவட்டமாக தெரிவித்துள்ளதாகவும் செய்திகள் வந்து கொண்டிருப்பதை எடப்பாடியார் ஆணித்தரமாக அரசின் கவனத்திற்கு எடுத்து வைத்தார்.
இதன் காரணமாக தைப்பொங்கலுக்கு ஏழை, எளிய மக்களுக்கு வேட்டி, சேலை வழங்கப்படுமா என்கிற அச்சம் ஏற்பட்டிருக்கிறது. இதனால் நெசவாளர் குடும்பங்கள் வேலை இழந்து தவிப்பதை கண்டித்து அதிமுக மாபெரும் போராட்டத்தை முன்னெடுக்கும் என்று எடப்பாடியார் கூறிய குற்றச்சாட்டுக்கு கைத்தறி துறை அமைச்சரின் பதிலில் உண்மை இல்லை.
கடந்த ஆண்டும் இதுகுறித்து சட்டமன்றத்தில் கேட்கப்பட்டபோது பதில் வந்ததே தவிர மக்களுக்கு பலன் கிடைக்கவில்லை. பதில் சொல்வதில் நீங்கள் வல்லவராக இருக்கலாம், ஆனால், மக்களுக்கு திட்டங்களை கொண்டு சேர்ப்பதில் இந்த அரசு தோல்வி அடைந்திருக்கிறது.
எடப்பாடியார் மக்களுக்காக தொடர்ந்து ஆர்ப்பாட்டங்களை நடத்திக் கொண்டிருக்கிறார். உரிமைக்குரல் எழுப்பி கரும்பை மக்களுக்கு பெற்று கொடுத்திருக்கிறார். மக்கள் நலன் சார்ந்த கோரிக்கைகளை தொடர்ந்து அரசுக்கு முன்வைத்து வருகிறார். வேட்டி, சேலை திட்டம் குறித்து எடப்பாடியாரின் குற்றச்சாட்டுக்கு சம்பந்தப்பட்ட துறையின் அமைச்சர் கூறியிருக்கிற பதில் கழுவுற மீனில் நழுவுகிற மீனாக உள்ளதே தவிர, உள்ளபடி உண்மையை எடுத்துச் சொல்கிற அறிக்கையாக அமையவில்லை. பதில் தந்து நேரத்தை செலவழிக்காமல் பலன்களை மக்களிடத்திலே கொண்டுபோய் சேர்ப்பதில் அரசு கவனம் செலுத்த வேண்டும்." என்று தெரிவித்துள்ளார்.
source https://www.vikatan.com/government-and-politics/politics/r-b-udhayakumar-attacks-dmk-minister-gandhi-over-the-dhothi-saree-scheme
ஒன் பை டூ
இடும்பாவனம் கார்த்திக், இளைஞர் பாசறை மாநில ஒருங்கிணைப்பாளர், நா.த.க
``உண்மையைச் சொல்லியிருக்கிறார். வெறும் பேச்சளவில் பா.ஜ.க எதிர்ப்பு என்கிறது தி.மு.க. ஆனால், ஆர்.எஸ்.எஸ்., பா.ஜ.க-வின் செயல் திட்டங்களை நடைமுறைப்படுத்துவதையே முழுநேர வேலையாகச் செய்துகொண்டிருக்கிறது. மாநில சுயாட்சி பேசிய வாய்கள், இப்போது மாநிலத்துக்குள் என்.ஐ.ஏ அலுவலகம் திறக்க வாய்ப்பு ஏற்படுத்திக் கொடுத்திருக்கின்றன. கோவை வெடி விபத்து வழக்கை முதல் நிலையிலேயே என்.ஐ.ஏ-விடம் ஒப்படைக்கிறார்கள். சிறைக் கொட்டடியில் அடைபட்டுக்கிடக்கும் இஸ்லாமியர்களை விடுவிக்க ஒப்புக்கு ஒரு குழு அமைத்தார்கள். பிறகு எந்த நடவடிக்கையும் எடுக்கவில்லை. அந்தந்த மாநில வரம்பில் விசாரணை நடத்த சி.பி.ஐ-க்கு அளிக்கப்பட்ட பொது ஒப்புதலை சத்தீஸ்கர், ஜார்க்கண்ட், தெலங்கானா, கேரளா, மேற்கு வங்கம் உள்ளிட்ட மாநில அரசுகள் ரத்து செய்திருக்கின்றன. தி.மு.க அரசு கைகட்டி வேடிக்கை பார்க்கிறது. மத்திய அரசின் புதிய கல்விக் கொள்கையில் இருக்கும் கூறுகளை ஒவ்வொன்றாகச் செயல்படுத்துவதும் இதே திமுக-தான். தெலங்கானாவில் ஆளுநர் உரை இல்லாமல் சட்டசபை நிகழ்ச்சியைத் தொடங்குகிறார்கள். அப்படி தமிழக ஆளுநரை இவர்களால் புறக்கணிக்க முடியுமா?’’
எம்.எம்.அப்துல்லா, நாடாளுமன்ற மாநிலங்களவை உறுப்பினர், தி.மு.க
``சீமான் உளறுவதையெல்லாம் கணக்கில் எடுத்துக்கொள்ளத் தேவையில்லை. நாம் தமிழர் கட்சி என்பது பா.ஜ.க-வின் ‘பி’ டீம். இது ஊரறிந்த விஷயம். எதையெல்லாம் தங்களால் நேரடியாகச் செய்ய முடியாதோ, அதையெல்லாம் தங்கள் ‘பி’ டீமை வைத்து சாதித்துக்கொள்வது காவிகளின் வாடிக்கை. என்.ஐ.ஏ என்பது நாட்டின் பாதுகாப்பு சம்பந்தப்பட்ட அமைப்பு. இந்தியாவின் அனைத்து மாநிலங்களிலும் என்.ஐ.ஏ இருக்கிறது. கொள்கைகள் வெவ்வேறாக இருந்தபோதும், இந்தியாவின் பாதுகாப்பில் மாநில அரசு ஒத்துழைப்பு வழங்காமலிருக்க முடியாது. நாம் தமிழர் கட்சியினர் நம்புவதுபோல தமிழகம் ஒன்றும் தனி நாடு அல்ல. தமிழக அரசு என்ன செய்தாலும், பா.ஜ.க அரசு அதில் குற்றம் காணக் காத்துக்கிடப்பதாலேயே கோவை வெடி விபத்து வழக்கை முதலிலேயே என்.ஐ.ஏ-விடம் வழங்கினோம். மத்திய அரசின் புதிய கல்விக் கொள்கையில் இருக்கும் நல்ல கூறுகளையே நாங்கள் செயல்படுத்தி வருகிறோம். இதைக் கூறு இல்லாத நாம் தமிழர் கட்சியினரால் ஏற்றுக்கொள்ள முடியாதுதான். ஆளுநரைச் சட்டரீதியாகப் புறக்கணிக்க முடியாததால்தான் மாநில சுயாட்சி கேட்கிறோம்!’’
source https://www.vikatan.com/news/politics/discussion-about-seeman-comments-on-dmk-and-rss
Daily Horoscope | Today Rasi Palan | December - 31 | சனிக்கிழமை | இன்றைய ராசிபலன் | 31.12.22
மேஷம் முதல் மீனம் வரையிலான 12 ராசிகளுக்கான ராசி பலன்களைக் கணித்துத் தந்திருக்கிறார் ஜோதிடர் ஶ்ரீரங்கம் கார்த்திகேயன்.
source https://www.vikatan.com/spiritual/astrology/31122022-daily-rasi-palan-daily-horoscope-astrology-sakthi-vikatan
வியாழன், 29 டிசம்பர், 2022
புதுக்கோட்டை: பைக்கில் சென்ற இளைஞர் வெட்டிப் படுகொலை! - மர்ம கும்பல் வெறிச்செயல்
புதுக்கோட்டை தொண்டைமான் நகரைச் சேர்ந்தவர் கலையரசன். இவர் நகர் மன்ற உறுப்பினர் சின்னையாவின் தம்பி மகன் ஆவார். நேற்று மாலை கலையரசன் தனது வீட்டிலிருந்து, டூவீலரில் புதுக்கோட்டை நகர்ப் பகுதிக்குச் சென்றிருக்கிறார். வீட்டிலிருந்து சற்று தொலைவிலேயே, அவரை வேகமாகப் பின்தொடர்ந்து வந்த மர்ம கும்பல் ஒன்று பைக்கில் சென்ற கலையரசனை, கண் இமைக்கும் நேரத்தில் கத்தி, அரிவாள் உள்ளிட்ட ஆயுதங்களால் சரமாரியாக தாக்கத் தொடங்கினர். இதில், படுகாயமடைந்த கலையரசன், ரத்த வெள்ளத்தில் சம்பவ இடத்திலேயே துடிதுடித்து பரிதாபமாக உயிரிழந்தார்.
இதையடுத்து, தகவலறிந்து சம்பவ இடத்துக்கு விரைந்த நகர் போலீஸார், கலையரசனின் உடலைக் கைப்பற்றி, பிரேத பரிசோதனைக்காக அரசு மருத்துவக் கல்லூரி மருத்துவமனைக்கு அனுப்பி வைத்தனர். தொடர்ந்து இது குறித்து வழக்கு பதிவுசெய்து விசாரணை நடத்தி வருகின்றனர்.
கொலையான கலையரசன் குடும்பத்துக்கும், அவரின் உறவினர்கள் குடும்பத்தினருக்கும், குடும்பப் பிரச்னை இருந்ததாகக் கூறப்படுகிறது. அதனால், உறவினர்களாலே கலையரசன் வெட்டிக் கொலைசெய்யப்பட்டாரா? முன்விரோதம் காரணமாக பழிக்குப் பழியாக கொலைசெய்யப்பட்டாரா என்பது குறித்து போலீஸார் தீவிர விசாரணையில் ஈடுபட்டு வருகின்றனர்.
சமீபத்தில் திருச்சியைச் சேர்ந்த பிரபல ரௌடி இளவரசன் புதுக்கோட்டையில் பட்டப் பகலிலேயே கொடூரமான முறையில் பெட்டிப் படுகொலைசெய்யப்பட்டார். இதேபோல், பொன்னமராவதியிலும் கடந்த வாரம் வீட்டிலேயே வைத்து தாயையும், மகனையும் கொலைசெய்துவிட்டு, மர்ம நபர்கள் நகை, பணத்தை திருடிச் சென்றிருக்கின்றனர். கடந்த வாரம், இநத வாரம் என அடுத்தடுத்து நடக்கும் கொலைச் சம்பவங்கள் புதுக்கோட்டை மக்களிடையே அச்சத்தை ஏற்படுத்தியிருக்கிறது.
source https://www.vikatan.com/news/crime/youth-murdered-in-pudukottai-police-investigation-goes-on
Doctor Vikatan: பேருந்து இருக்கையில் மோதி உடைந்த பற்கள்... பழையபடி சீராக்க வாய்ப்பிருக்கிறதா?
Doctor Vikatan: என் தோழியின் மகனுக்கு வயது 30. இரவு நேரத்தில் பேருந்தில் தூங்கியபடி பயணம் செய்து கொண்டிருந்தபோது, முன் இருக்கையின் கம்பியில் மோதி பற்களில் அடிபட்டது. சில பற்கள் உதிர்ந்துவிட்டன. இன்னும் சில பற்கள் ஆடுகின்றன. அவனுக்கு இன்னும் திருமணம் ஆகவில்லை. அவனுடைய நிலையைப் பார்த்து என் தோழி மிகவும் வருந்துகிறாள். அவனுக்கு பற்களை முன்பு போல சீராக்க முடியுமா? அதிக செலவாகுமா?
- அம்மணி ரெங்கசாமி, வடுகப்பட்டி
பதில் சொல்கிறார் நாகர்கோவிலைச் சேர்ந்த பல் மருத்துவர் மரியம் சஃபி
முதல் வேலையாக உங்கள் தோழியின் மகனை பல் மருத்துவரை அணுகச் சொல்லுங்கள். மருத்துவர் அவரைப் பரிசோதித்துவிட்டு, பற்களின் நிலை அறிந்து தேவைப்பட்டால் ஸ்கேன் எடுக்கப் பரிந்துரைப்பார். எலும்புகளின் அடர்த்தி, பற்கள் தவிர வேறு எங்கேனும் அடிபட்டிருக்கிறதா என்பதையும் பார்க்க வேண்டியது அவசியம்.
இவற்றை வைத்துதான் அடுத்து சிகிச்சை பற்றி யோசிக்க முடியும். உடைந்த பற்களை சீராக்க இன்று நிறையவிதமான நவீன சிகிச்சைகள் வந்துவிட்டன. செயற்கைப் பல் பொருத்துவதிலிருந்து, இம்ப்ளான்ட் வரை நவீனமான பல சிகிச்சைகள் இருக்கின்றன. இம்ப்ளான்ட் சிகிச்சையில் ஸ்க்ரூ பொருத்தி, அதன் மேல் நிரந்தரமாக செயற்கைப் பல்லைப் பொருத்த முடியும்.
எனவே இந்த விஷயம் குறித்து உங்கள் தோழி கவலைப்படவே தேவையில்லை. சரியான மருத்துவமனை அல்லது மருத்துவரை அணுகி சிகிச்சை எடுக்க வேண்டியதுதான் இதில் முக்கியம். செலவு பற்றிக் கேட்டிருக்கிறீர்கள்... அது உங்கள் தோழியின் மகனுக்கு கொடுக்கப்படுகிற சிகிச்சையைப் பொறுத்து மாறும். அரசு மருத்துவமனையிலா, தனியார் மருத்துவமனையிலா.... எதில் சிகிச்சை எடுக்கிறார் என்பதைப் பொறுத்தும் அது வேறுபடும்.
உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.
source https://www.vikatan.com/health/healthy/doctor-vikatan-broken-teeth-is-there-a-chance-to-fix-them
`அம்மா, பாட்டியின் குணம் கலந்த பெண் வேண்டும்' - இணை குறித்த விருப்பம் தெரிவித்த ராகுல் காந்தி!
தனக்கு வரவிருக்கும் வாழ்க்கைத்துணையை குறித்து பலருக்கும் எதிர்பார்ப்புகள் இருக்கும். காலம் முழுவதும் தன்னுடன் வாழப் போகும் இணை, இப்படிதான் இருக்க வேண்டும் சில நெறிகளை விதித்து, அதற்கேற்றாற்போல இணையைத் தேடுபவர்கள் அநேகம். இதற்கு அரசியல்வாதிகளும் விதிவிலக்கல்ல.
காங்கிரஸ் கட்சியின் முன்னாள் தலைவர் ராகுல் காந்திக்கு வயது 52. அவர் `பாரத் ஜோடோ யாத்ரா’ பயணத்தைத் தொடர்ந்து வருகிறார். அவரிடம் யூடியூப் சேனல் ஒன்று நேர்காணல் செய்தது. அதில் `உங்களைப் போன்ற ஒரு பெண்ணுடன் நீங்கள் வாழ்வில் செட்டில் ஆவீர்களா' என்ற கேள்வி எழுப்பப்பட்டது.
அதற்கு பதிலளித்த ராகுல் காந்தி, ``இது சுவாரஸ்யமான கேள்வி. நான் ஒரு பெண்ணை விரும்பலாம். அது விஷயமல்ல. அவரிடம் என்னுடைய அம்மா மற்றும் பாட்டியின் குணங்கள் கலந்த கலவை இருந்தால் நன்றாக இருக்கும்.
என் வாழ்வின் அன்பு மற்றும் என் இரண்டாவது தாய் என்னுடைய பாட்டி’’ என்று கூறியுள்ளார்.
தன்னுடைய அம்மா சோனியா காந்தியின் குணங்களும், தன்னுடைய பாட்டியும், முன்னாள் பிரதமருமான இந்திரா காந்தியின் குணங்களும் தன்னுடைய வருங்கால இணைக்கு இருக்க வேண்டும் என்று ராகுல் காந்தி கூறியுள்ளது, அனைவரின் கவனத்தையும் பெற்று பேசுபொருளாகி இருக்கிறது.
source https://www.vikatan.com/news/india/rahul-gandhi-expects-life-partner-with-mixed-qualities-of-mother-and-grandmother
இதற்கு குழுசேர்:
இடுகைகள் (Atom)