மத்திய டெல்லி பகுதியிலுள்ள பிரதான சாலைகளில் ஒன்று ஜன்பத் சாலை. இந்த சாலையில் கிரிதரன் (39) என்பவர் சாலையின் ஒரு பக்கத்திலிருந்து மறுபக்கத்துக்குக் கடந்து சென்றுகொண்டிருந்தார். பரபரப்பாகக் காணப்படும் சாலையில் சம்பவம் அடைந்த அன்று ஒருசில வாகனங்கள் மட்டுமே சென்றுகொண்டிருந்தன. கிரிதரன் கிட்டத்தட்ட நடைபாதையில் ஏறிவிட்டார். அப்போது அந்தச் சாலையில் மெதுவாக வந்துகொண்டிருந்த ஒரு சிவப்பு நிற ஜீப் திடீரென்று வேகமெடுத்தது.
சாலையில் சென்றுகொண்டிருந்த ஜீப் திடீரென்று நடைபாதையில் ஏறிக்கொண்டிருந்த கிரிதரனின் மீது வேகமாக மோதிவிட்டு நிற்காமல் சென்றது. ஜீப் ஏறியதால் படுகாயமடைந்த அவர் சம்பவ இடத்திலேயே பரிதாபமாக உயிரிழந்தார். இந்தச் சம்பவம் தொடர்பாக வழக்கு பதிவு செய்துள்ள காவல்துறையினர், தலைமறைவாக உள்ள வாகன ஓட்டுநரைத் தேடிவருகிறார்கள். தற்போது வெளியாகியுள்ள இந்த விபத்தின் சிசிடிவி காட்சிகள் பார்ப்போரை அதிர்ச்சியடையவைத்திருக்கின்றன.
source https://www.vikatan.com/news/crime/delhi-a-pedestrian-killed-by-a-speeding-jeep-cctv-footage-of-the-incident
கருத்துகள் இல்லை:
கருத்துரையிடுக