பிரதமரின் தாயார் ஹீராபென் மோடி உடல்நலக்குறைவால் அகமதாபாத்தில் உள்ள யு.என் மேத்தா மருத்துவமனையில் அனுமதிக்கப்பட்டிருந்த நிலையில், சிகிச்சை பலனின்றி காலமானார்.
शानदार शताब्दी का ईश्वर चरणों में विराम... मां में मैंने हमेशा उस त्रिमूर्ति की अनुभूति की है, जिसमें एक तपस्वी की यात्रा, निष्काम कर्मयोगी का प्रतीक और मूल्यों के प्रति प्रतिबद्ध जीवन समाहित रहा है। pic.twitter.com/yE5xwRogJi
கோவிட் பிஎஃப் 7 என்னும் கொரோனாவின் புதிய திரிபு சீனா, ஜப்பான், அமெரிக்கா போன்ற நாடுகளில் அதிகமாக தாக்கத்தை ஏற்படுத்தி வருகிறது. இந்தத் தொற்று இந்தியாவில் பரவாமல் தடுப்பதற்காக பல்வேறு நடவடிக்கைகளை இந்திய அரசு மேற்கொண்டு வருகிறது. அந்த வகையில் இந்தியாவுக்கு வரும் சர்வதேச பயணிகளுக்கு ரேண்டம் பரிசோதனை செய்ய அரசு அறிவுறுத்தியுள்ளது.
கொரோனா
அதென்ன ரேண்டம் டெஸ்ட்?
வெளிநாடுகளில் இருந்து இந்தியாவுக்கு வரும் பயணிகள் அனைவரையும் பரிசோதிக்காமல், அவர்களில் சிலரிடம் மட்டும் பரிசோதனை செய்வதே, ரேண்டம் டெஸ்ட்டிங் எனப்படுகிறது.
மத்திய அரசின் அறிவுறுத்தலைத் தொடர்ந்து தமிழக அரசும் சர்வதேச விமான நிலையங்களில் `ரேண்டம் டெஸ்ட்டிங்’ முறையைத் தொடங்கியுள்ளது. கோவிட் -19 தொற்றின் புதிய மாறுபாட்டால் பாதிக்கப்பட்டவர்களுக்கு சிகிச்சையளிக்க மருந்துகள், படுக்கைகள் மற்றும் ஆக்ஸிஜனை தயார்நிலையில் வைத்துள்ளதாக, தமிழக சுகாதாரத்துறை தெரிவித்துள்ளது.
இத்தகைய பல்வேறு முறைகளை அரசு பின்பற்றி வருகிறது. தமிழகத்தில் சென்னை, திருச்சி, மதுரை மற்றும் கோயம்புத்தூர் ஆகிய இடங்களில், இந்த ரேண்டம் டெஸ்ட்டிங் செய்யப்பட்டு வருகிறது. முதலில் குஜராத் மாநிலத்தில் ஒருவருக்கு புதியவகை கொரோனா தொற்று கண்டறியப்பட்டது. தமிழகத்தில் 27-ம் தேதி சீனாவில் இருந்து இலங்கை வழியாக மதுரைக்கு வந்த 6 வயது மகள், தாய் ஆகிய இருவருக்கும் கொரோனா தொற்று உறுதி செய்யப்பட்டுள்ளது.
மேலும் நேற்று துபாயிலிருந்து சென்னைக்கு வந்த புதுக்கோட்டை, ஆலங்குடியைச் சேர்ந்தவர்கள் இரண்டு பேருக்கு கொரோனா தொற்று உறுதி செய்யப்பட்டுள்ளது. இந்தச் சூழலில் ரேண்டம் டெஸ்ட்டிங் செய்வதால் சிலருக்கு தொற்று இருப்பது தெரியாமல் போய்விடும். அதனால், புதிய வகை கோவிட் தொற்று பரவுவதற்கு வாய்ப்புகள் அதிகமாக இருப்பதாக, பொதுமக்கள் கருதுகின்றனர்.
பொது சுகாதாரத்துறை இயக்குநர் செல்வவிநாயகம்
தொற்று பரவத் தொடங்கி இருக்கும் இந்தச் சூழலில், இது போன்ற ரேண்டம் டெஸ்ட்டிங் முறையைப் பின்பற்றுவது சரியானதா என்று பொது சுகாதாரத்துறை இயக்குநர் செல்வவிநாயகத்திடம் கேட்டோம்... ``அனைவரும் கொரோனா பரிசோதனை செய்வதை விரும்ப மாட்டார்கள், எனவே, ரேண்டம் டெஸ்ட்டிங் என்பதுதான் இப்போதைய சூழ்நிலைக்கு சாத்தியம். இதுவே மத்திய அரசின் பரிந்துரை. ரேண்டம் டெஸ்ட்டிங் செய்யும் போது கொரோனா தொற்று உறுதியானால் அவர்கள் வீட்டிலேயே தங்களைத் தனிமைப்படுத்திக் கொள்ள வேண்டும்.
ஏற்கெனவே அமைக்கப்பட்டுள்ள குழுக்கள், வீட்டில் தனிமைப்படுத்திக் கொள்பவர்களைக் கண்காணிக்கும். இந்த கொரோனா தொற்றுக்காக அரசு அறிமுகம் செய்யும் இன்ட்ராநேசல் தடுப்பு மருந்தை யாரெல்லாம் செலுத்திக் கொள்ளலாம் என்பது குறித்த விவரங்களை, சுகாதாரத்துறை அறிவிப்பின்படி பின்பற்ற வேண்டும்” என்றார்.
பிரான்ஸ் நாட்டில் உள்ள அறிவியலாளர்கள் 'IHU' எனப்படும் புதிய கோவிட் வகையைக் கண்டறிந்தனர். இந்த புதிய வகை, ஓமைக்ரானை விட அதிக பாதிப்பை ஏற்படுத்தக்கூடியது எனக் கூறப்பட்டது. B.1.640.2 அல்லது IHU எனப்படும் இந்த தொற்று, ஆப்பிரிக்க நாடான கேமரூனில் இருந்து பிரான்ஸுக்கு பரவியதாக கூறப்பட்டது.
கோவிட் IHU புதிய வகை
பிலிப்பைன்ஸில் குழந்தை திருமணத்துக்கு தடை:
பிலிப்பைன்ஸ் நாட்டின் அதிபர் ரோட்ரிகோ டுடெர்தெ (Rodrigo Duterte) அந்த நாட்டில் குழந்தை திருமணத்தைத் தடை செய்யும் சட்டத்தில் கையெழுத்திட்டார்.18 வயதுக்குட்பட்டவரை திருமணம் செய்தாலோ அல்லது இணைந்து வாழ்ந்தாலோ 12 ஆண்டுகள் வரை சிறைத் தண்டனையை விதிக்கப்படும் என அறிவிக்கப்பட்டது.
ரஷ்யா - உக்ரைன்... முக்கிய பேச்சுவார்த்தை
அமெரிக்க, ரஷ்ய அதிகாரிகளின் முக்கியச் சந்திப்பு சுவிட்சர்லாந்தின் ஜெனீவாவில் நடைபெற்றது. அதில், உக்ரைனில் நிலவிய பதற்ற நிலை குறித்து விவாதிக்கப்பட்டது. உக்ரைனுக்கு அமெரிக்கா மற்றும் இதர மேற்கத்திய நாடுகள் ஆதரவு தெரிவித்தது குறிப்பிடத்தக்கது.
டோங்காவில் எரிமலை வெடிப்பு
தென் பசிபிக் தீவு நாடான டோங்காவில் நீருக்கடியில் அமைந்திருந்த ஹங்கா டோங்கா ஹங்கா ஹா'பை (Hanga donga hanga ha'apai) என்ற பெரிய எரிமலை ஒன்று வெடித்தது. இதனால் பசிபிக் பெருங்கடலிலும் ஜப்பான், ஆஸ்திரேலியா, நியூசிலாந்து, பிஜி, ரஷ்யா, சிலி மற்றும் அமெரிக்காவில் சுனாமி எச்சரிக்கை விடுக்கப்பட்டது.
சீனாவில் குறைந்த பிறப்பு விகிதம்
சீனாவில் 1000 பேருக்கு 752 குழந்தைகள் என்ற அளவில் பிறப்பு விகிதம் குறைந்திருக்கிறது. உலகிலேயே அதிக மக்கள் தொகை கொண்ட நாடாக சீனா தான் விளங்கி வந்தது. இதனால், சீனா நாட்டில் மக்கள்தொகையை கட்டுப்படுத்த தம்பதியினர் ஒரு குழந்தை மட்டுமே பெற்றுக்கொள்ள வேண்டும் என சட்டம் இயற்றப்பட்டது.
சீனா
இதனால், சீனாவில் மக்கள் தொகையின் வீதம் குறைய ஆரம்பித்துவிட்டது. இதனையடுத்து, கடந்த 2016-ம் ஆண்டில் இருந்து ஒரு குழந்தை மட்டுமே பெற்றுக்கொள்ள வேண்டும் என்கிற சட்டம் கைவிடப்பட்டு, மக்கள் 3 குழந்தைகள் வரைக்கும் பெற்றுக்கொள்ளலாம் என அறிவிக்கப்பட்டது.
புதிய HIV வகை
நெதர்லாந்தின் ஆராய்ச்சியாளர்கள் புதிய HIV வகையைக் கண்டறிந்துள்ளனர். இதற்கு VB வகை என்று பெயரிடப்பட்டுள்ளது. இத்தொற்று 3.5 மடங்கு முதல் 5.5 மடங்கு வரை அதிக தொற்றை ஏற்படுத்துகிறது. இந்தத் தொற்று 1980 -1990 ஆகிய ஆண்டுகளுக்கு இடையில் நெதர்லாந்தில் தோன்றியதாக கூறப்படுகிறது.
புதிய HIV வகை
ரஷ்ய - உக்ரைன் போர்
இந்த ஆண்டு பிப்ரவரி மாதம் 24-ம் தேதி உக்ரைன் மீது ரஷ்ய ராணுவம் தாக்குதலை நடத்தியது. இந்தப் போரில் உக்ரைன், ரஷ்யா மட்டுமல்லாமல், உலக நாடுகள் அனைத்தும் கடுமையாக பாதிக்கப்பட்டிருக்கின்றன. உக்ரைன்மீது ரஷ்யா போர் தொடுத்ததைத் தொடர்ந்து, அமெரிக்கா உள்ளிட்ட மேற்கத்திய நாடுகள் ரஷ்யாமீது பொருளாதாரத் தடை விதித்திருக்கின்றன.
ரஷ்யாவிடமிருந்து கச்சா எண்ணெய் வாங்குவதற்குத் தடை விதிக்கப்பட்டாலும், இந்தியா, ரஷ்யாவிடமிருந்து கச்சா எண்ணெய் வாங்கிவருகிறது. போரை நிறுத்த பலகட்ட முயற்சிகள் நடைபெற்றன. அதோடு பல்வேறு உலக நாடுகள் போரை முடிவுக்குக் கொண்டுவர வேண்டும் என வலியுறுத்திவந்தன. ஆனால் போர் இன்னும் முடிந்தபாடில்லை.
ரஷ்யா - உக்ரைன் போர்
சாம்பல் நிற பட்டியலில் பாகிஸ்தான்
சர்வதேச பண மோசடி மற்றும் பயங்கரவாத நிதியுதவிக் கண்காணிப்பு அமைப்பான நிதியியல் நடவடிக்கைப் பணிக் குழுவின் சாம்பல் நிறப் பட்டியலில் (grey list) பாகிஸ்தானின் பெயர் இடம்பெற்றிருக்கிறது. பயங்கரவாதத்துக்கு நிதியுதவி செய்ய வழிவகுத்த பணமோசடியைப் பாகிஸ்தான் சரி பார்க்கத் தவறியதற்காகச் சாம்பல் நிறப் பட்டியலில் இடம் பெற்றிருக்கிறது.
தென்கொரிய அதிபர் தேர்தல்
தென் கொரியாவில் 5 ஆண்டுகளுக்கு ஒரு முறை அதிபர் தேர்தல் நடப்பது வழக்கம். அந்த வகையில், 20-வது அதிபருக்கான தேர்தல் இந்தாண்டு மார்ச் 9-ம் தேதி நடைபெற்றது. இந்த நிலையில், 2022-ல் நடைபெற்ற தென்கொரிய அதிபர் தேர்தலில் யூன்-சுக் -யோல் (Yoon Suk Yeol) வெற்றி பெற்று புதிய அதிபராகத் தேர்ந்தெடுக்கப்பட்டிருக்கிறார்.
யூன் சுக் யோல்
ஐ.நா உலக மகிழ்ச்சி அறிக்கை 2022
2022-ம் ஆண்டு உலக மகிழ்ச்சி அறிக்கையில் தொடர்ந்து ஐந்தாவது ஆண்டாகப் பின்லாந்து முதலிடம் பிடித்திருக்கிறது. இந்த ஆண்டு இந்தியா மூன்று இடங்கள் முன்னேறி 136-வது இடத்தை பிடித்தது. உலகின் மகிழ்ச்சியற்ற நாடாக ஆப்கானிஸ்தான் 146-வது இடத்தில் உள்ளது.
ஐசிசி மகளிர் கிரிக்கெட் உலகக் கோப்பை 2022
12-வது ஐசிசி மகளிர் கிரிக்கெட் உலகக் கோப்பை நியூசிலாந்தில் நடத்தப்பட்டது. இறுதிப்போட்டி, ஹேக்லி ஓவல் மைதானத்தில் நடைபெற்றது. நியூசிலாந்து ,ஆஸ்திரேலியா, இங்கிலாந்து, தென் ஆப்பிரிக்கா, இந்தியா, வங்கதேசம், பாகிஸ்தான் மற்றும் மேற்கிந்திய அணிகள் உள்ளிட்ட 8 அணிகள் பங்கேற்றன. இந்த நிலையில், உலகக் கோப்பை இறுதிப் போட்டியில் கோப்பையை ஆஸ்திரேலிய கிரிக்கெட் அணி வென்று அசத்தியது.
அழகிப் போட்டி
2022-ம் ஆண்டு ப்யூரிட்டோ ரிக்கோ (Puerto Rico), சான் சூவான் பகுதியில் நடைபெற்ற 70-வது அழகிப் போட்டியில் ,போலந்து நாட்டை சேர்ந்த கரோலினா பைலாவ்ஸ்கா (Karolina Bielawska) 2021-ஆம் ஆண்டின் அழகிப் பட்டத்தை வென்றார்.
இப்போட்டியில் அமெரிக்காவின் ஸ்ரீ சாய்னி , கோட்டி டி ஐவரி நாட்டினைச் சேர்ந்த ஒலிவியா யாஷ் ஆகியோர் இரண்டாம் இடத்தைப் பிடித்தனர்.
கரோலினா பைலாவ்ஸ்கா
இலங்கையில் அவசர நிலை
இலங்கையில் ஏற்பட்டுள்ள கடுமையான பொருளாதார நெருக்கடியால், இலங்கை அரசு நள்ளிரவில் அவசரநிலையைப் பிரகடனப்படுத்தியது. அதைத் தொடர்ந்து மக்கள் போராட்டம், அமைச்சர்கள் ராஜினாமா, அனைத்துக் கட்சிகளின் போராட்டம் என இலங்கை அரசியல் களம் அனல் பறந்தது. இந்த நிலையில், பொருளாதார நெருக்கடி, டீசல் தட்டுப்பாடு, உணவு விலை உயர்வு, பணவீக்கம் என்ற பல காரணங்களால் மக்கள் ராஜபக்சேவின் வீட்டை முற்றுகையிட்டனர். அரசியல் குழப்பங்களுக்கு மத்தியில் தற்போது இலங்கையில் அதிபராக ரணில் விக்கிரம சிங்கே இருக்கிறார்.
பாகிஸ்தானில் பொருளாதார நெருக்கடி
பாகிஸ்தானில் கடந்த ஒரு வருடமாகப் பொருளாதாரச் சிக்கல் நீடித்துவருகிறது. அதனால், பிரதமராக இருந்த இம்ரான் கான் பதவி விலக வேண்டும் என எதிர்க்கட்சிகள் வலியுறுத்திவந்தன. இம்ரான் கான் பதவியை இழந்ததை அடுத்து, பாகிஸ்தானின் புதிய பிரதமராக ஷெபாஸ் ஷெரீப் தேர்வு செய்யப்பட்டிருக்கிறார். ஆனாலும் இன்னும் பொருளாதார நெருக்கடி நீடித்துவருகிறது. மேலும் பணப்பற்றாக்குறையும் அதிகரித்திருக்கிறது.
இம்ரான் கான்
ஐ.நா மனித உரிமைகள் பேரவையிலிருந்து ரஷ்யா இடைநீக்கம்
உக்ரைனில் மனித உரிமை மீறல்களையடுத்து, ஐநா மனித உரிமைகள் பேரவையிலிருந்து (UNHRC) ரஷ்யா இடைநீக்கம் செய்யப்பட்டது. இந்த வாக்கெடுப்பிற்கு ஆதரவாக 93 வாக்குகள், எதிராக 24 வாக்குகளும் வாக்களிததன. மொத்தம் 58 நாடுகள் வாக்களிக்கவில்லை. இந்தியா வாக்கெடுப்பில் கலந்துகொள்ளாமல் வெளிநடப்பு செய்தது குறிப்பிடத்தக்கது.
பிரான்சின் முதல் பெண் பிரதமர்
பிரான்ஸ் நாட்டின் அதிபர் தேர்தலில் வெற்றிபெற்ற இமானுவேல் மேக்ரான் 2-வது முறையாக அந்நாட்டின் அதிபராக பொறுப்பேற்றார். இதையடுத்து, இமானுவேல் மேக்ரான் அமைச்சரவையில் நிறைய மாற்றங்கள் கொண்டுவரப்பட்டன. அதன் தொடர்ச்சியாக எலிசபெத் போர்ன் புதிய பிரதமராக நியமிக்கப்பட்டுள்ளார்.
முன்னதாக எலிசபெத் போர்ன் 2020 முதல் 2022 வரை பிரதமர் ஜீன் கேஸ்டெக்ஸின் அரசாங்கத்தில் தொழிலாளர்துறை அமைச்சராகப் பணியாற்றினார் என்பது குறிப்பிடத்தக்கது.
எலிசபெத் போர்ன்
ஆஸ்திரேலியாவின் புதிய பிரதமர்
ஆஸ்திரேலியாவின் புதிய பிரதமராகத் தொழிலாளர் கட்சியின் தலைவர் அந்தோணி அல்பனீஸ் (Anthony Albanese) பதவியேற்றார். இவர் ஆஸ்திரேலியாவின் 31-வது பிரதமராவார். இவர் மிகவும் எளிய குடும்ப பின்னணியை கொண்டவர் என்பது குறிப்பிடத்தக்கது. ஆஸ்திரேலியா அரசியல் அமைப்புச் சட்டத்தின் கீழ், அந்நாட்டின் நிர்வாக அதிகாரம், கவர்னர் ஜெனரலிடமே இருக்கும். ஆனால் அரசாங்கத்தின் தலைவராகப் பிரதமர் செயல்படுவார்.
மத்திய ஆப்பிரிக்கா: பிட்காயினை அதிகாரப்பூர்வ நாணயமாக அறிவித்தது
பிட்காயினை அதிகாரப்பூர்வ நாணயமாக அறி்வித்த இரண்டாம் பகுதியாக மத்திய ஆப்பிரிக்கா மாறியிருக்கிறது. எல் சடார் பிட்காயினை அதிகாரப்பூர்வ நாணயமாக ஏற்றுக் கொண்ட முதல் நாடாகும். மத்திய அமெரிக்க கண்டத்தின் மிகச்சிறிய நாடு இது.
பிட்காயின்
கருக்கலைப்பு உரிமைக்கு அமெரிக்காவில் தடை
அமெரிக்க அரசு கருக்கலைப்பு உரிமையை ரத்து செய்தது. அதன்படி, 1973 ஆம் வருடம் ரோ மற்றும் வேட் இடையிலான வழக்கில் கருக்கலைப்பு பெண்களின் தனிப்பட்ட சுதந்திரம். அது அவர்களின் உரிமை என்று தீர்ப்பு வழங்கப்பட்டது. அந்த உரிமைக்கு தற்போது தடை அறிவிக்கப்பட்டிருக்கிறது. கருக்கலைப்பை தடை செய்யும் நடவடிக்கையை ஒவ்வொரு மாகாணங்களாக நடைமுறைப்படுத்தும் என்று தெரிவிக்கப்பட்டுள்ளது.
கானா நாட்டில் எபோலா பாதிப்பு கண்டுபிடிப்பு
கொரோனா வைரஸ் உலக நாடுகளை அச்சுறுத்தி வந்த நிலையில், கானா நாட்டில் இரண்டு பேருக்கு எபோலா வைரஸ் பாதிப்பு இருப்பது முதல் முறையாக கண்டுபிடிக்கப்பட்டது. மேற்கு ஆப்பிரிக்க நாடுகளில் எபோலா பாதிக்கப்பட்டது இதுவே முதல்முறை.
எபோலா பாதிப்பு
சோமாலியாவில் நடந்த துப்பாக்கிச்சூட்டில் 40 பேர் பலி
சோமாலியாவில், அந்த நாட்டு அரசுக்கு எதிராக கடந்த 15 ஆண்டுகளாக தாக்குதல் நடத்திவரும் அல்-ஷாபாப் என்ற தீவிரவாத குழு, ஹோட்டல் ஒன்றில் நடத்திய துப்பாக்கிச்சூட்டில் 40 பேருக்கு மேல் பலியான சம்பவம் அப்பகுதியில் அதிர்ச்சியை ஏற்படுத்தியது.
ஆப்கானிஸ்தான் மசூதியில் குண்டுவெடிப்பு
ஆப்கானிஸ்தானின் காபூலிலுள்ள ஒரு மசூதியில் மாலை நேரத்தில் தொழுகை நடைபெற்றது. அப்போது திடீரென பயங்கரச் சத்தத்துடன் குண்டு வெடித்தது. குண்டு வெடித்ததில் மசூதி இடிந்து விழுந்ததோடு, அருகிலிருந்த கட்டடங்களும் சேதமடைந்துவிட்டது. இந்த பயங்கர குண்டுவெடிப்பில் 20-க்கும் மேற்பட்டோர் இறந்துவிட்டதாகவும், பலர் காயமடைந்ததாகவும் கூறப்படுகிறது.
ஆப்கன் - குண்டுவெடிப்பு
சியோல் ஹாலோவீன் திருவிழா விபத்து
தென் கொரியாவில் ஆண்டுதோறும் கொண்டாடப்படும் ஹாலோவீன் திருவிழாவில் பயங்கர கூட்டநெரிசல் ஏற்பட்டது. இதில் சிக்கி 150க்கும் மேற்பட்டோர் உடல் நசுங்கிப் பலியாகினர்.
ராணி எலிசபெத் மறைவு
இங்கிலாந்து வரலாற்றில் நீண்டகாலம் ராணியாக இருந்தவர் இரண்டாம் எலிசபெத். வயது முதிர்வு மற்றும் உடல்நலக் குறைவு காரணமாக அவதிப்பட்ட இவர் தன்னுடைய 96-வது வயதில் காலமானார். தனது பதவிக்கால வரலாற்றில் 15 பிரதமர்களுக்கு பதவிப் பிரமாணம் செய்துவைத்தவர் என்ற பெருமைக்கு சொந்தக்காரர். இந்தியா உட்பட பல உலக நாடுகள் ராணியின் மறைவுக்குத் துக்கம் அனுசரித்தன.
இரண்டாம் எலிசபெத்
ரஷ்யப் பள்ளியில் துப்பாக்கிச் சூடு
ரஷ்யாவில் ஒரு பள்ளியில் நடந்த துப்பாக்கிச் சூட்டில், மாணவர்கள் உட்பட 13 பேர் உயிரிழந்தனர். துப்பாக்கிச் சூட்டை நிகழ்த்திய அந்த நபரும் தன்னைத்தானே துப்பாக்கியால் சுட்டுக்கொண்டு உயிரிழந்தார்.
தன் பாலின திருமணம்; ஜோ பைடன் ஒப்புதல்
அமெரிக்க அதிபர் ஜோ பைடன், தன்பாலின திருமண சட்டத்தில் கையெழுத்திட்டார். இந்த சட்டமானது தன்பாலின திருமணங்களுக்குக் கூட்டாட்சி பாதுகாப்பு வழங்கும் எனக் கூறப்படுகிறது.
ஜான் எஃப் கென்னடியின் இறப்பு ஆவணம் வெளியீடு
அமெரிக்க முன்னாள் ஜனாதிபதி ஜான் எஃப் கென்னடியின் படுகொலை தொடர்பான பல்லாயிரக்கணக்கான ஆவணங்களை வெளியிடுவதற்கு வெள்ளை மாளிகை முதல் தடவையாக ஒப்புதல் வழங்கியது.
ஜி20 மாநாடு
உலக நாடுகள் மிகவும் முக்கியமானதாகக் கருதும் ஜி20 உச்சி மாநாடு இந்தோனேசியாவின் பாலி நகரில் நடைபெற்றது. இதில் இந்தியப் பிரதமர் மோடி உட்படப் பல உலகத் தலைவர்கள் கலந்துகொண்டனர். மாநாட்டில், உணவு, எரிசக்தி பாதுகாப்பு, சுகாதார பிரச்னைகள் குறித்து விவாதிக்கப்பட்டது. இந்த ஆண்டுக்கான ஜி20 தலைமையை இந்தியா ஏற்றுக்கொண்டு இருக்கிறது என்பது குறிப்பிடத்தக்கது.
ஜி20 - இந்தியா
பெரு நாட்டில் கலவரம்
பெரு நாட்டின் முன்னாள் பிரதமர் பெட்ரோ காஸ்டிலோ (Pedro Castillo) மீது கைது நடவடிக்கை மேற்கொள்ளப்பட்டது. இதனால் நாடு முழுவதும் அவரின் ஆதரவாளர்கள் போராட்டங்களில் இறங்கினர். இந்தப் போராட்டங்களில் கலவரம் வெடித்தது. இதனால் அங்கு அவசர நிலை அறிவிக்கப்பட்டது.
ரிஷி சுனக் இங்கிலாந்து பிரதமராகத் தேர்வு
இங்கிலாந்து பிரதமர் லிஸ் ட்ரஸ் பொருளாதார நிலைமைகளைச் சமாளிக்க முடியாமல் பதவி விலகியதைத் தொடர்ந்து, இங்கிலாந்து பிரதமராக இந்திய வம்சாவளியைச் சேர்ந்த ரிஷி சுனக் தேர்வு செய்யப்பட்டார். முன்னதாக பிரதமராக இருந்த போரிஸ் ஜான்சன் பதவி விலக, ரிஷி சுனக் - லிஸ் ட்ரஸ் இடையே பிரதமர் பதவியை பிடிக்க கடும் போட்டி நிலவியது குறிப்பிடத்தக்கது.
ரிஷி சுனக்
இந்தோனேசியா நிலநடுக்கம்
இந்தோனேசியாவின் ஜாவா தீவில் ஏற்பட்ட சக்திவாய்ந்த நிலநடுக்கத்தில் 162 பேர் உயிரிழந்த சம்பவம் அதிர்ச்சியை ஏற்படுத்தியிருக்கிறது. மேலும் 300-க்கும் மேற்பட்டோர் காயமடைந்தனர்.
உலகக்கோப்பை கால்பந்து 2022
கால்பந்து ரசிகர்கள் பெரிதும் எதிர்பார்த்த கால்பந்து உலகக்கோப்பை போட்டி ஐக்கிய அரபு நாடான கத்தாரில் பிரம்மாண்டமாகத் நடைபெற்றது. கத்தாரில் முடிவடைந்த, உலகக்கோப்பை கால்பந்துப் போட்டியின் இறுதி ஆட்டத்தில் பிரான்ஸ் அணியை வீழ்த்தி அர்ஜென்டினா அணி கோப்பையை வென்றது.
ட்விட்டரை வாங்கிய எலான் மஸ்க்
உலகின் பெரும் பணக்காரரான எலான் மஸ்க், 44 மில்லியன் அமெரிக்க டாலர்கள் ஒப்பந்தம் மூலம் ட்விட்டரை தனதாக்கினார். அவர் ட்விட்டர் நிறுவனத்தின் சி.இ.ஓ-ஆக பொறுப்பேற்றதிலிருந்து பல்வேறு அதிரடி நடவடிக்களையும், செயல்பாடுகளையும் மேற்கொண்டு வருகிறார்.
எரிமலை வெடிப்பு
இந்தோனேசியாவின் கிழக்கு ஜாவா பகுதியில், லுமாஜாங் நகரில் உள்ள அந்த நாட்டின் மிகப்பெரிய எரிமலையான செமேரு எரிமலை திடீரென வெடித்துச் சிதறிய சம்பவம் மக்களை அதிர்ச்சியில் ஆழ்த்தியது.
சர்வதேச அளவில் உங்களை கவர்ந்த\பாதித்த சம்பவங்கள் என்னென்ன? கமெண்ட் பண்ணுங்க மக்களே...
`இந்தியாவின் வரலாறு மாற்றி எழுதப்பட வேண்டும்' என்கிற கருத்தை பா.ஜ.க-வினர் தொடர்ந்து முன்வைத்துவருகிறார்கள். மோடி தலைமையிலான பா.ஜ.க ஆட்சியில், 12,000 ஆண்டுகளுக்கு முந்தைய இந்தியப் பண்பாட்டை ஆய்வுசெய்வதற்காக ஒரு குழு அமைக்கப்பட்டிருக்கிறது. அந்தக் குழுவில் ஒரே சமூகத்தைச் சேர்ந்தவர்கள் அதிகமாக இருக்கிறார்கள் என்றும், தமிழர் ஒருவர்கூட அதில் இல்லை என்றும் விமர்சனங்கள் எழுந்தன.
மோடி
இந்த நிலையில், சமீபத்தில் சில நிகழ்ச்சிகளில் பேசிய பிரதமர் மோடி, இந்திய வரலாறு கருத்து பல கருத்துக்களைத் தெரிவித்திருக்கிறார். கடந்த நவம்பர் மாதம், 17-ம் நூற்றாண்டில் முகலாய மன்னர் அவுரங்கசீப்பின் படைகளை வென்ற லச்சித் பர்புகானின் 400-ம் ஆண்டு விழா கொண்டாடப்பட்டது. அதில் பேசிய பிரதமர் மோடி, “நாடு சுதந்திரம் அடைந்த பிறகு இந்திய வரலாறு இந்தியப் பார்வையில் எழுதப்பட்டிருக்க வேண்டும். ஆனால், அந்நியர்கள் ஆட்சிக் காலத்து சதியின் ஒரு பகுதியாக எழுதப்பட்ட வரலாறுதான் தொடர்ந்து கற்பிக்கப்படுகிறது. அந்நியர்களுக்கு எதிராக போராட்டங்களை முன்னெடுத்து தியாகம் புரிந்தவர்களின் வரலாறு கற்பிக்கப்பட வேண்டும். அதற்கு ஏற்ப நாட்டின் வரலாறு மாற்றி எழுதப்பட வேண்டும்” என்றார்.
அதைத் தொடர்ந்து, டிசம்பர் 27-ம் தேதி நடைபெற்ற வீர பாலகர் தின நிகழ்ச்சியில் பேசிய பிரதமர் மோடி, “இந்தியாவின் வீர வரலாறு தன்னம்பிக்கையை வளர்க்கும். ஆனால், இந்திய வரலாறு என்ற பெயரில் பொய் கதைகள் கற்பிக்கப்படுகின்றன” என்று தன் ஆதங்கத்தை வெளிப்படுத்தினார்.
பிரதமர் நரேந்திர மோடி
மேலும், “வீர பாலகர் தினம் என்பது இந்தியாவின் வீரம், தியாகம், சீக்கிய பாரம்பரியத்தின் அடையாளம். மூன்று நூற்றாண்டுகளுக்கு முன்பு சம்கவுர், சிர்ஹிந்த் போர்கள் நடைபெற்றன. மதஅடிப்படைவாதத்தைப் பின்பற்றிய முகலாயப் படைகளுக்கு எதிராக நமது குருக்கள் துணிச்சலாகப் போராடினர். சீக்கிய குரு கோவிந்த் சிங்கும், அவரின் மகன்களும் எந்த அச்சுறுத்தலுக்கும் அஞ்சவில்லை. யார் முன்பும் தலைவணங்கவில்லை. கோவிந்த் சிங்கின் சிறுவயது மகன்கள் உயிருடன் சமாதி கட்டப்பட்டனர். ஒருபுறம் மிருகத்தனம், மறுபுறம் பொறுமை, வீரம் வெளிப்பட்டது” என்றார்.
``துரோகம் செய்தவர்களை தேசபக்தர்கள் என்கிறார்கள்”
இவ்வாறு இந்திய வரலாறு குறித்து பிரதமர் மோடி பேசிவரும் நிலையில், கேரளாவின் முதல்வர் பினராயி விஜயனும் இந்திய வரலாறு குறித்து சமீபத்தில் பேசியிருக்கிறார். கேரளாவில் கம்யூனிஸ்ட் கட்சியின் மாநாடு பாறப்புறத்தில் டிசம்பர் 27-ம் தேதி நடைபெற்றது. அதில் பேசிய கேரளா முதல்வர், “சுதந்திரப் போராட்டத்துக்கு துரோகம் செய்தவர்களை துணிச்சலான தேசபக்தர்கள் என்றும், விடுதலைப் போராட்ட வீரர்கள் என்றும் இன்றைய ஆட்சியாளர்கள் சித்தரித்து வருகின்றனர்” என்று ஆர்.எஸ்.எஸ்., பா.ஜ.க-வை விமர்சித்தார்.
பினராயி விஜயன்
“ஆர்.எஸ்.எஸ் - பா.ஜ.க பரிவாரங்களால் துணிச்சலான தேசபக்தர் என்று போற்றப்பட்ட சாவர்க்கர், ஆங்கிலேயர்களுக்கு மன்னிப்புக் கடிதம் எழுதிவிட்டு அந்தமான் சிறையில் இருந்து விடுதலை பெற்றார். இந்திய விடுதலைப் போராட்டத்தில் ஆர்.எஸ்.எஸ் எந்தப் பங்கையும் வகிக்கவில்லை. சுதந்திரப் போராட்டத்தை எந்தெந்த வழிகளில் சிதைக்கலாம் என்று சிந்தித்தார்கள். தேசிய இயக்கத்தில் கம்யூனிஸ்டுகள் முக்கியப் பங்கு வகித்தனர்” என்று பினராயி விஜயன் குறிப்பிட்டார். இந்திய விடுதலைப் போராட்டத்தில் பா.ஜ.க-வின் தாய் அமைப்பான ஆர்.எஸ்.எஸ் இயக்கத்துக்கு எந்தப் பங்கும் இல்லை என்று இடதுசாரிகளும் காங்கிரஸ் கட்சியினரும் தொடர்ந்து கூறிவருகிறார்கள். சமீபத்தில், காங்கிரஸ் தலைவர் கார்கே கூட இந்தக் கருத்தைக் குறிப்பிட்டார். இந்தப் பின்னணியில்தான், இந்திய வரலாறு மாற்றி எழுதப்பட வேண்டும் என்று பா.ஜ.க-வினர் கூறிவருகிறார்கள்.
``நாட்டைச் சூழ்ந்துள்ள ஆபத்து வரலாற்றுத் திரிபுதான்”
சென்னை கிறிஸ்தவப் கல்லூரியில், 81-வது இந்திய வரலாற்று காங்கிரஸ் மாநாட்டை முதல்வர் ஸ்டாலின் டிசம்பர் 27-ம் தேதி தொடங்கிவைத்தார். அப்போது, “இந்திய வரலாற்று காங்கிரஸ், வரலாற்று மாற்றத்திற்கும், சிந்தனை மாற்றத்திற்கும், அடித்தளம் அமைக்கும் அமைப்பாகச் செயல்பட்டு வருகிறது. டி.டி.கோசாம்பி, ஆர்.எஸ்.சர்மா, ரொமிலா தாப்பர், பிபின் சந்திரா, ஏ.எல்.பாஷ்யம், ராகுல் சாங்கிருத்தியாயன், தேவி பிரசாத் சட்டோபாத்யாயா, கே.பி.ஜெய்ஸ்வால் ஆகிய மிக மூத்த வரலாற்றாசிரியர்களின் வரிசையில் வைத்து போற்றத்தக்க, கேசவன் வேலுதத், இர்பான் அபீப் ஆகியோர் இந்த அமைப்பை வழிநடத்தி வருவது மிகமிகப் பொருத்தமாக அமைந்திருக்கிறது” என்று ஸ்டாலின் குறிப்பிட்டார்.
முதல்வர் ஸ்டாலின்
மேலும், “கற்பனைக் கதைகளை சிலர் வரலாறாகச் சொல்லிக் கொண்டிருக்கிறார்கள். அதை நம்பி ஏமாந்து விடக்கூடாது. அதை ஏற்கக் கூடாது. அறிவுமிக்க சமுதாயம் அதை ஏற்றுக்கொள்ளாது. இன்று நாட்டைச் சூழ்ந்துள்ள ஆபத்து என்பது இந்த வரலாற்றுத் திரிபுதான்” என்று பா.ஜ.க-வை மறைமுக சாடினார் ஸ்டாலின். ஸ்டாலின் தனது உரையில் குறிப்பிட்ட வரலாற்று அறிஞர்களின் ஆய்வு நூல்களை பா.ஜ.க ஏற்கவில்லை. இன்னும் சொல்லப்போனால், இவர்களின் நூல்களையெல்லாம் மனதில் வைத்துத்தான், இந்திய வரலாறு மாற்றி எழுதப்பட வேண்டும் என்று பிரதமர் மோடி உள்ளிட்ட பா.ஜ.க தலைவர்கள் பேசுகிறார்கள் என்கிறார்கள் அரசியல் பார்வையாளர்கள்
