கோவை குனியமுத்தூர் அருகே உள்ள எம்.எஸ் கார்டன் பகுதியைச் சேர்ந்தவர் செல்வகுமார். அவரின் மனைவி தனலட்சுமி. சம்பவத்தன்று தனலட்சுமி பொருள்கள் வாங்குவதற்காக மளிகைக் கடைக்கு சென்றுள்ளார்.
Also Read: கோவை விமானப்படை பாலியல் வழக்கு: அதிகாரியை போலீஸ் விசாரிக்க நீதிமன்றம் அனுமதி!
அப்போது, மாஸ்க் அணிந்தபடி வந்த இளைஞர் ஒருவர் மளிகைக் கடையில் சிகரெட் வாங்குவது போல அந்தப் தனலட்சுமியை நோட்டமிட்டுள்ளார்.
சிறிது நேரத்திலேயே தனலட்சுமி கழுத்தில் இருந்த 5.5 சவரன் தங்க செயினை பறித்து பைக்கில் வேகமாக சென்றுவிட்டார். இதுதொடர்பான சி.சி.டி.வி காட்சிகளின் அடிப்படையில் போலீஸார் விசாரணை நடத்தி வந்தனர்.
இதையடுத்து கரும்புக்கடை பகுதியைச் சேர்ந்த பைசல் ரஹ்மான் (25)m, 17 வயது சிறுவன் ஆகிய இரண்டு பேர் கைது செய்யப்பட்டுள்ளனர்.
இதில் முகமது பைசல் காங்கிரஸ் கட்சியின் மாவட்ட இளைஞரணி துணை தலைவர் பொறுப்பில் இருந்து வருகிறார். இதேபோல அவர், பி.கே புதூர், இடையர்பாளையம் உள்ளிட்ட சுற்றுவட்டார பகுதிகளில் செயின் பறிப்பில் ஈடுபட்டது தெரியவந்துள்ளது.
இதனிடையே, அவர் தமிழ்நாடு காங்கிரஸ் கமிட்டி தலைவர் கே.எஸ் அழகிரி, கோவை திமுக மாவட்ட பொறுப்பாளர் கார்த்திக் ஆகியோருடன் எடுத்த படங்கள் சமூக வலைதளங்களில் வைரலாக வருகிறது.
source https://www.vikatan.com/news/crime/coimbatore-congress-cadre-arrested-for-chain-snatching
கருத்துகள் இல்லை:
கருத்துரையிடுக