தமிழகத்தில் தேர்தல் களம் சூடுபிடித்துள்ளது. அனைத்துக் கட்சிகளும், அந்தந்தக் கட்சியின் தலைவர்களும் சூறாவளிப் பிரசாரத்தில் ஈடுபட்டுவருகிறார்கள். தலைவர்கள் நேரடியாக மக்களைச் சந்தித்து வாக்குச் சேகரித்து வந்தாலும், தொலைக்காட்சி மூலமாகவும், இணையதளங்கள் வாயிலாகவும் நடக்கும் டிஜிட்டல் பிரசாரம் அதி தீவிரமடைந்துவருகிறது.
தலைவர் அறிவித்த
— இசை (@isai_) March 7, 2021
ஸ்டாலினின் 7 உறுதிமொழிகள்:
1. வளரும் வாய்ப்புகள் வளமான தமிழ்நாடு#விடியலுக்கானமுழக்கம் ❤️ pic.twitter.com/McTM0iMUfv
அந்த வகையில் தி.மு.க., அ.தி.மு.க இரண்டு கட்சிகளும் ஒரே பெண்ணின் புகைப்படத்தைவைத்து போஸ்டர்கள் தயாரித்து வெளியிட்டுள்ளன. இந்த போஸ்டர்களின் மூலம் இரண்டு கட்சிகளின் தகவல் தொழில்நுட்பப் பிரிவுகளுக்கு இடையே வார்த்தைப்போர் நடைபெற்றுவருகிறது.
கடந்த மார்ச் 7-ம் தேதி திருச்சியில் நடைபெற்ற தி.மு.க மாநாட்டுக்குப் பிறகு, தி.மு.க தகவல் தொழில்நுட்ப அணி சார்பில், `வளரும் வாய்ப்புகள் வளமான தமிழகம்' என்ற தலைப்பில் பொதுக்கூட்டத்தில் தி.மு.க தலைவர் மு.க.ஸ்டாலின் அறிவித்த 'ஸ்டாலினின் 7 உறுதிமொழிகள்' என்ற தலைப்பில் போஸ்டர்களை வெளியிடப்பட்டிருந்தது. அதில், ஒரு பெண்ணின் புகைப்படம் பயன்படுத்தப்பட்டிருந்தது.
#அஇஅதிமுக_தேர்தல்அறிக்கை பெண்கள் நலன் pic.twitter.com/J89JS9QKXn
— AIADMK (@AIADMKOfficial) March 16, 2021
அ.தி.மு.க-வின் தகவல் தொழில்நுட்ப அணி சார்பில், அந்தக் கட்சியின் தேர்தல் அறிக்கையில் குறிப்பிட்டிருந்த பெண்கள் நலன்களை போஸ்டராகக் கடந்த மார்ச் 16-ம் தேதி வெளியிட்டிருந்தது. அந்த போஸ்டரில் தி.மு.க பயன்படுத்தியிருந்த அதே பெண்ணின் புகைப்படம் இடம்பெற்றிருந்தது. இதையடுத்து `எங்கள் தேர்தல் அறிக்கையைத்தான் காப்பி அடிக்கிறீர்கள் என்றால், போஸ்டரில் உள்ள பெண்ணின் புகைப்படத்தையுமா?’ என்று தி.மு.க-வினர் கூறிவருகிறார்கள்.
Also Read: 'தி.மு.க. விளம்பரம்னு தெரியாம நடிச்சுட்டேன் கண்ணு!' - கஸ்தூரி பாட்டி
தி.மு.க-வினருக்கு பதிலளிக்கும் வகையில், தி.மு.க பயன்படுத்துவதற்கு முன்னரே அந்தப் பெண்ணின் புகைப்படத்தை அ.தி.மு.க., தான் பயன்படுத்தியிருக்கிறது என்று கூறிவருகிறது. இப்படி இருவரும், ஒருவருக்கொருவர் வார்த்தைப் போரில் ஈடுபட்டுவருகிறார்கள். உண்மையில் அந்தப் பெண்ணின் புகைப்படம், புகைப்படங்களை விற்பனை செய்யும் பிரபல தனியார் நிறுவனமான shutterstock.com-க்கு உரியது, பணம் செலுத்தினால் யார் வேண்டுமென்றாலும் அந்த புகைப்படத்தைப் பயன்படுத்திக்கொள்ளலாம் என்பதே நிதர்சனம்.
கடந்த சட்டமன்றத் தேர்தலின்போது, கஸ்தூரி பாட்டி ``வானத்துல பறக்குறவங்களுக்கு நம்மளுடைய பிரச்னை எப்படித் தெரியும்? மக்களைப் பற்றியே கவலைப்படாத ஆட்சி இனி எதுக்குங்க? போதும்மா போதும்மா...” எனறு ஒரு தி.மு.க விளம்பரத்தில் நடித்திருந்திருப்பார். அவரே அ.தி.மு.க-வுக்கு, ``பெத்த புள்ள சோறு போடலை, எனக்குச் சோறு போட்ட தெய்வம், புரட்சித்தலைவி அம்மாதான்” என்று இன்னொரு விளம்பரத்திலும் நடித்திருந்திருப்பார். கடந்த தேர்தலில்போது இந்த வீடியோ பெரும் பேசுபொருளானது. அதேபோல, இந்தத் தேர்தலில் இந்தப் பெண்ணின் புகைப்படத்தை இரண்டு கட்சியினரும் பயன்படுத்தியிருப்பது பேசுபொருளாக மாறியிருக்கிறது.
source https://www.vikatan.com/government-and-politics/politics/dmk-vs-admk-digital-poster-war-then-and-now
கருத்துகள் இல்லை:
கருத்துரையிடுக