இந்தியாவில் கொரோனா பாதிப்பு
இந்தியாவில் கொரோனாவால் பாதிக்கப்பட்டோர் எண்ணிக்கை 6,04,641-லிருந்து 6,25,544 ஆக உயர்ந்துள்ளதாக மத்திய சுகாதாரத்துறை அமைச்சகம் தெரிவித்துள்ளது. இந்தியாவில் 24 மணி நேரத்தில் 20,903 பேருக்கு கொரோனா தொற்று உறுதி செய்யப்பட்டிருக்கிறது. கொரோனா தொற்றால் 24 மணி நேரத்தில் மட்டும் 379 பேர் உயிரிழந்துள்ளனர். இதனால் உயிரிழந்தோர் எண்ணிக்கை 17,834-லிருந்து 18,213 ஆக அதிகரித்திருக்கிறது. அதேபோல், தொற்று பாதிப்பிலிருந்து குணமடைந்தோர் எண்ணிக்கை 3,79,892 ஆகவும் உயர்ந்துள்ளது. 2,27,439 பேர் மருத்துவமனைகளில் சிகிச்சை பெற்றுவருகிறார்கள்.
உலக அளவில் கொரோனா
உலக அளவில் கொரோனாவால் பாதிக்கப்பட்டோரின் எண்ணிக்கை 1,09,73,896 ஆக அதிகரித்துள்ளது. அதேநேரம் கொரோனா வைரஸில் இருந்து குணமடைந்தோர் எண்ணிக்கையும் 61,34,789 ஆக உயர்ந்துள்ளது. உலகம் முழுவதும் கொரோனா வைரஸால் உயிரிழந்தோர் எண்ணிக்கை 5,23,231 ஆக உள்ளது.
அமெரிக்கா நிலவரம்
உலக அளவில் பெரும் பாதிப்புகளைச் சந்தித்துவரும் அமெரிக்காவில் ஒரே நாளில் 56,922 பேருக்கு கொரோனா தொற்று உறுதி செய்யப்பட்டது. கொரோனா உறுதிசெய்யப்பட்டோர் எண்ணிக்கை 28,36,875 ஆகவும், கொரோனா வைரஸால் உயிரிழந்தோர் எண்ணிக்கை 1,31,477 ஆகவும் உள்ளது.
source https://www.vikatan.com/government-and-politics/healthy/03-07-2020-corona-live-updates
கருத்துகள் இல்லை:
கருத்துரையிடுக