`ஆப்கன் போர் முடிந்தது..!’ - தாலிபன்கள்
ஆப்கானிஸ்தானில் கடந்த சில வாரங்களாக நீடித்து வந்த போர் முடிவுக்கு வந்ததாக தாலிபன்கள் அறிவித்திருக்கிறார்கள். ஆப்கானிஸ்தானில் இருந்து அமெரிக்க படைகள் வெளியேறுவதாக அறிவித்த நிலையில் தாலிபன்கள், மீண்டும் ஆப்கானிஸ்தான் நகரங்களை கைபற்ற தொடங்கினர். நேற்று உச்சகட்டமாக தலைநகர் காபூல் நகரையும் கைபற்றினர். இதனை தொடர்ந்து ஆப்கான் அதிபர் அஷ்ரப் கனி ஆப்கானிஸ்தானில் இருந்து வெளியேறினார்.
இந்த நிலையில் ஆப்கானிஸ்தானின் ஆட்சி அதிகாரம் தாலின்பன்கள் வசம் சென்றது. இந்த நிலையில் தற்போது ஆப்கன் போர் முடிவுக்கு வந்ததாக தாலிபன்கள் அறிவித்திருக்கிறார்கள். இதனிடையே பல்வேறு நாடுகள், அங்கிருந்து வெளியேற விரும்பும் மக்களை தாலிபன்கள் தடுக்க கூடாது என்ற கோரிக்கையை வைத்திருக்கிறார்கள்.
எல்.முருகன் தலைமையில் `மக்கள் ஆசீர்வாத யாத்திரை’
மத்திய அமைச்சரும் முன்னாள் பா.ஜ.க மாநில தலைவருமான எல்.முருகன் தலைமையில் `மக்கள் ஆசீர்வாத யாத்திரை’ கோவையில் இன்று (திங்கள்) தொடங்க உள்ளது. 3 நாள்கள் நடக்கும் இந்த யாத்திரை இன்று கோவையில் தொடங்கி, நாளை திருப்பூரிலும் நாளை மறுநாள் சேலம், நாமக்கல் மாவட்டத்திலும் நடைபெறுகிறது. இதில், மத்திய அரசின் நலத்திட்டங்கள் குறித்து மக்களிடம் விளக்கப்படும். இந்த யாத்திரை தொடக்க விழாவில் பா.ஜ.க மாநில தலைவர் அண்ணாமலை உள்ளிட்ட முக்கிய மாநில தலைவர்கள் கலந்து கொள்ள உள்ளார்கள்.
source https://www.vikatan.com/news/general-news/tamil-news-today-16-08-2021-just-in-live-updates
கருத்துகள் இல்லை:
கருத்துரையிடுக