பிரதமர் மோடி உரை:
தேசியக் கொடியை ஏற்றி வைத்த பிரதமர் மோடி தற்போது நாட்டு மக்களுக்கு உரையாற்றி வருகிறார். அவர், ``சுதந்திர தினத்தின் இந்த சிறப்பான நிகழ்ச்சியில் எனது வாழ்த்துக்களை தெரிவித்துக் கொள்கிறேன். இது நமது சிறந்த சுதந்திர போராட்ட வீரர்களை நினைவுகூரும் நாள்.
கொரோனா காலத்தில், எங்கள் மருத்துவர்கள், செவிலியர்கள், துணை மருத்துவ பணியாளர்கள், துப்புரவு பணியாளர்கள், தடுப்பூசிகளை உருவாக்கும் விஞ்ஞானிகள், சேவை உணர்வுடன் பணியாற்றும் கோடிக்கணக்கான குடிமக்கள் -இந்த காலகட்டத்தில் மற்றவர்களுக்கு சேவை செய்ய ஒவ்வொரு கணத்தையும் அர்ப்பணித்தவர்கள், என அனைவரும் எங்கள் பாராட்டுக்கு உரியவர்கள்” என்றார்.
தேசியக் கொடியை ஏற்றினார் பிரதமர் மோடி!
நாட்டின் 75வது சுதந்திர தினத்தையொட்டி பிரதமர் மோடி டெல்லி செங்கோட்டையில் தேசியக் கொடியை ஏற்றினார். இன்றைய சுதந்திர தின விழாவில் அண்மையில் நடந்து முடிந்த டோக்கியோ ஒலிம்பிக் போட்டியில் கலந்து கொண்ட இந்திய வீரர்களும் கலந்து கொண்டுள்ளனர். தேசியக் கொடி ஏற்றிய பின்னர் இரண்டு ஹெலிகாப்டர்கள் மலர்கள் தூவி தேசியக் கொடிக்கு மரியாதை செய்தது
செங்கோட்டையில் பிரதமர் மோடி!
நாட்டின் 75வது சுதந்திர தினத்தையொட்டி பிரதமர் மோடி டெல்லி செங்கோட்டையில் இன்னும் சற்று நேரத்தில் தேசியக் கொடியை ஏற்ற இருக்கிறார். முன்னதாக மகாத்மா காந்தி நினைவிடத்தில் மரியாதை செலுத்திய அவர் தற்போது செங்கோட்டைக்கு வந்திருக்கிறார்.
தயார் நிலையில் டெல்லி செங்கோட்டை!
நாட்டின் 75வது சுதந்திர தினத்தையொட்டி பிரதமர் மோடி டெல்லி செங்கோட்டையில் இன்னும் சற்று நேரத்தில் தேசியக் கொடியை ஏற்ற இருக்கிறார். சுதந்திர தினத்தில் பிரதமர் மோடி தேசியக் கொடி ஏற்றும்போது ஹெலிகாப்டரில் மலர்கள் தூவ ஏற்பாடு செய்யப்பட்டுள்ளது. விமானப்படைக்கு சொந்தமான 2 MI17 ஹெலிகாப்டர்கள் வானில் இருந்தபடி மலர்தூவும் வகையில் ஏற்பாடுகள் செய்யப்பட்டுள்ளது. பிரதமர் தேசியக் கொடியை ஏற்றும் போது ஹெலிகாப்டர் மூலம் மலர் தூவுவது இதுவே முதல்முறை!
source https://www.vikatan.com/news/general-news/live-updates-on-prime-minister-modi-hoisting-national-flag-in-red-fort-on-75th-independence-day
கருத்துகள் இல்லை:
கருத்துரையிடுக