அவனியாபுரம் ஜல்லிக்கட்டுக்கு வரும் ராகுல் காந்தி?
தமிழகத்தில் பொங்கல் பண்டிகை களைகட்ட தொடங்கியுள்ளது. மதுரை மாவட்டத்தில் பொங்கல் பண்டிகையை ஒட்டி ஜனவரி 14 -ல் அவனியாபுரத்திலும், ஜனவரி 15 -ல் பாலமேட்டிலும், 16 -ல் அலங்காநல்லூரிலும் ஜல்லிக்கட்டு போட்டிகள் நடத்த ஏற்கனவே தமிழக அரசு அனுமதி வழங்கியுள்ளது. இந்த ஆண்டு தமிழகத்தில் தேர்தல் நடைபெற உள்ள நிலையில் அனைத்துக் கட்சிகளின் கவனமும் தேர்தல் பரப்புரை பக்கம் திரும்பி இருக்கிறது.
இந்த நிலையில் தமிழகம் வரும் காங்கிரஸ் கட்சியின் முன்னாள் தலைவர் ராகுல் காந்தி, 14-ம் தேதி அவனியாபுரத்தில் நடக்கும் ஜல்லிக்கட்டு நிகழ்ச்சியில் பார்வையாளராக கலந்து கொள்ள உள்ளார் என்ற தகவல் வெளியாகி உள்ளது. இது தொடர்பான அதிகாரப்பூர்வ அறிவிப்பு இன்று காலை வெளியாகும் என்றும் கூறப்படுகிறது.
- ஆர்.பி
source https://www.vikatan.com/news/general-news/12-01-2020-just-in-live-updates
கருத்துகள் இல்லை:
கருத்துரையிடுக