நடிகை சித்ராவை தற்கொலைக்கு தூண்டியதாக கணவர் கைது!
`பாண்டியன் ஸ்டோர்ஸ்’ சீரியலில் முல்லை கதாபாத்திரத்தில் நடித்துவந்த நடிகை சித்ரா, டிசம்பர் 9-ம் தேதி தூக்கில் தொங்கிய நிலையில் சடலமாக மீட்கப்பட்டார். சித்ராவுக்கும் ஹேமந்த்துக்கும் கோடம்பாக்கம் சார்-பதிவாளர் அலுவலகத்தில் அக்டோபர் மாதம் பதிவுத் திருமணம் நடந்திருப்பதால், ஸ்ரீபெரும்புதூர் ஆர்டிஓ திவ்யஸ்ரீ விசாரணை நடத்திவருகிறார்.
சித்ராவை ஹேமந்த் கொலை செய்துவிட்டதாக சித்ராவின் அம்மா விஜயா பகிரங்கமாகக் குற்றம் சாட்டியிருந்தார். இந்தநிலையில், ஆர்டிஓ விசாரணைக்காக ஆஜரான விஜயா, அவரின் கணவர் காமராஜ் மற்றும் குடும்பத்தினரிடம் சித்ரா மரணம் குறித்து கேள்விகள் கேட்கப்பட்டன.
Also Read: சித்ராவின் அம்மா அளித்த தகவலால் ஹேமந்த்துக்குச் சிக்கல்?! - ஆர்டிஓ-விடம் கதறி அழுத குடும்பத்தினர்
விசாரணை முடிந்து வெளியில் வந்த விஜயா, ``என் மகள் சித்ராவின் மரணத்துக்கு ஹேமந்த்தான் காரணம். நடந்தது கொலை’’ என்று கண்ணீர்மல்கக் கூறினார். இந்த நிலையில் தான், நடிகை சித்ராவை தற்கொலைக்கு தூண்டியதாக வழக்கு பதியப்பட்டு ஹேமந்த் கைது செய்யப்பட்டார். நடத்தையில் சந்தேகப்பட்டு சித்ராவுடன் ஹேமந்த் சண்டையிட்டது போலீஸ் விசாரணையில் தெரியவந்ததாக கூறப்படுகிறது. இதனை தொடர்ந்து ஹேமந்த் IPC 306-இன் படி கைது செய்யப்பட்டு பொன்னேரி சிறையில் அடைக்கப்பட்டுள்ளார்.
source https://www.vikatan.com/news/general-news/15-12-2020-just-in-live-updates
கருத்துகள் இல்லை:
கருத்துரையிடுக