கோவிஷீல்டு, கோவாக்ஸின் தடுப்பூசிகளுக்கு அனுமதி!
இந்தியாவில் கொரோனா தடுப்பு நடவடிக்கைகள் தொடர்ந்து நடைபெற்றுவருகின்றன. ஊரடங்கு கட்டுப்பாடுகளில் தளர்வுகள் வழங்கப்பட்டுவிட்டபோதிலும், கொரோனா பரிசோதனைகள் தொடர்ந்து நடைபெற்றுவருகின்றன. அதே நேரத்தில், கொரோனா தடுப்பு மருந்து தொடர்பான ஆராய்ச்சிகளும் நடைபெற்றுவந்தன.
இந்தநிலையில், இன்று செய்தியாளர்களைச் சந்தித்த இந்திய தலைமை மருந்து கட்டுப்பாடு அமைப்பு ஜெனரல், ``சீரம் இன்ஸ்டிட்யூட் ஆஃப் இந்தியா மற்றும் பாரத் பயோடெக் ஆகியவற்றின் தடுப்பூசிகளுக்கு அவசரகாலச் சூழ்நிலையில் அனுமதி வழங்கப்படுகின்றன. பல்வேறுகட்ட சோதனைகளுக்குப் பிறகு கோவாக்ஸின், கோவிஷீல்டு தடுப்பூசிகளுக்கு அனுமதி வழங்கப்பட்டிருக்கிறது” என்று தெரிவித்தார். இந்த இரண்டு மருந்துகளையும் 2 முதல் 8 டிகிரி செல்ஷியஸில் பராமரிக்கலாம் என்றும் கூறப்பட்டிருக்கிறது.
source https://www.vikatan.com/government-and-politics/news/03-01-2021-just-in-live-updates
கருத்துகள் இல்லை:
கருத்துரையிடுக