கொரோனா நோய்த் தொற்றுப் பரவல் தென் மாவட்டங்களில் வேகம் பிடித்துள்ள நிலையில், அதைக் கட்டுப்படுத்தும் வழிமுறைகள் குறித்து அதிகாரிகளுடன் ஆலோசனை நடத்துவதற்காக முதல்வர் எடப்பாடி பழனிசாமி இரண்டு நாள் பயணமாகத் தென் மாவட்டங்களுக்கு வருகை தரவுள்ளார்.
இன்று (6-ம் தேதி) திண்டுக்கல், மதுரை மாவட்டங்களில் ஆலோசனை நடத்தும் அவர், நாளை (7-ம் தேதி) நெல்லை, தூத்துக்குடி மாவட்ட ஆட்சியர்கள் மற்றும் அதிகாரிகளுடன் ஆலோசனை நடத்த இருக்கிறார். அத்துடன், புதிய திட்டப் பணிகளுக்கும் அடிக்கல் நாட்டுகிறார்.
Also Read: `அருவிகளில் குவியும் சுற்றுலாப் பயணிகள்!' -கொரோனா தொற்று அச்சத்தில் நெல்லை வனத்துறை
நெல்லைக்கு வருகைதரும் முதல்வர் எடப்பாடி பழனிசாமியுடன் ஆலோசனையில் பங்கேற்கும் அதிகாரிகள் அனைவருக்கும் கொரோனா பரிசோதனை செய்யப்பட்டுள்ளது. அத்துடன் அவருடன் ஆலோசனை நடத்த உள்ள அ.தி.மு.க-வினருக்கும் கொரோனா பரிசோதனை செய்யப்பட்டது.
``அரசியல்வாதிகள் பலரும் கொரோனா நோய்த் தொற்றுக்கு உள்ளாகி வருவதால் முதல்வர் மிகுந்த கவனத்துடன் இருக்கிறார். கொரோனா பரிசோதனை செய்து நெகட்டிவ் ரிஸல்ட் வந்தவர்கள் மட்டுமே முதல்வரைச் சந்திக்க முடியும்” என்கிறார்கள், அதிகாரிகள்.
முதல்வர் நிகழ்ச்சியில் பங்கேற்கும் அதிகாரிகள், செய்தியாளர்கள், அ.தி.மு.க-வினர் ஆகியோருக்கு கொரோனா பரிசோதனை செய்வதற்காக நெல்லை ஆட்சியர் அலுவலகத்தில் சிறப்பு முகாம் நடத்தப்பட்டது குறிப்பிடத்தக்கது.
source https://www.vikatan.com/news/politics/cm-eps-to-visit-nellai-tomorrow
கருத்துகள் இல்லை:
கருத்துரையிடுக